Reciter: Farhan Ali Waris

Haye Amman Aray Suno Amman
Aray Ap Say Main Bayan Dill Ka Hal Karun
Aray Dill Mein Uthta Hai Jo Ek Sawal Karun

Qaid Say Jab Rihai Haram Payen Gay
Kia Meri Qabr Pay Phir Nahi Ayen Gay
Sirf Ranj O Alam Mujh Ko Tarhpayen Gay
Kia Mujhe Chor Kar Sab Chale Jayen Gay

Qaid Say Jab Rihai Haram Payen Gay
Kia Mujhe Chor Kar Sab Chalay Jayen Gay

Kia Isi Qaid Mein Ghut Ky Mar Jaun Gi
Kia Main Do Gaz Kafan Bhi Nahi Paun Gi
Mailay Kurtay Mein Kya Mujh Ko Dafnayen Gay

Kia Mujhe Chorh Kar Sab Chalay Jayen Gay

Sar Say Paon Talak Main Lahoo Mein Hun Tarr
Mera Zakhmon Bhara Yeh Badan Daikh Kar
Sirf Zaalim Nahi Zulm Pachtayen Gay

Kia Mujhe Chorh Kar Sab Chalay Jayen Gay

Sham Walay Karen Gay Abhi Kuch Sitam
Mujh Ko Khaye Chala Ja Raha Hai Yeh Gham
Yeh Meri Qabr Py Shimr Ko Layen Gay

Kia Mujhe Chorh Kar Sab Chalay Jayen Gay

Daikh Kar Zakhm Baba Ky Ghabrai Main
Hashr Mein Bap Ky Pas Jab Aai Main
Daikh Kar Mujh Ko Baba Bhi Ghabrayen Gay

Kia Mujhe Chorh Kar Sab Chalay Jayen Gay

Karbala Hai Kahan Aur Kahan Sham Hai
Na Mujhay Chain Na Un Ko Aram Hai
Woh Mujhay Karbala Roz Bulwayen Gay

Kia Mujhe Chorh Kar Sab Chalay Jayen Gay

Karbala Ja Ky Baba Say Yeh Poochna
Hashr Mein Un Say Jab Ho Mera Samna
Kia Mujhe Apnay Seenay Say Liptayen Gay

Kia Mujhe Chor Kar Sab Chalay Jayen Gay

Kehna Sughra Say Apna Chaman Mil Gaya
Ho Mubarak Tumhen To Watan Mil Gaya
Hashr Tak Hum Musafir Hi Kehlayen Gay

Kia Mujhe Chorh Kar Sab Chalay Jayen Gay

Sham Men Hi Meri Sham Ho Jaye Gi
Yeh Kahani Agar Aam Ho Jaye Gi
Baap Beti Say Kab Pyar Farmayen Gay

Kia Mujhe Chorh Kar Sab Chalay Jayen Gay

Hum Na Fankar Hain Aur Na Ahl E Kalam
Hai Yeh Farhan O Shaukat Py Un Ka Karam
Hum Say Shabbir Noha Kehalwayen Gay

Kia Mujhe Chorh Kar Sab Chalay Jayen Gay

Join Khairilamal on WhatsApp

WhatsApp

Leave a Reply