Reciter: Farhan Ali Waris
Kehti Thi Nabi Ky Rozy Py Ro Ro Ky Yeh Zahra Jaai
Main Sham Ki Qaid Nibha Aai
Kya Kya Main Bataun Gi Tumko
Jo Zulm Sahy Hain Is Dill Par
Baqi Na Rahi Sar Par Chadar
Main Dekh Rahi Thi Ankhon Sy
Jab Mara Gaya Mera Bhai
Main Sham Ki Qaid Nibha Aai
Ek Din Mein Bhara Ghar Loota Gaya
Sab Khaimy Jaly Hum Qaidi Bany
Atfaal Mery Pyasy Hi Rahy
Baqi Na Raha Jab Koi Mera
Tab Noha Kunaan Thi Tanhai
Main Sham Ki Qaid Nibha Aai
Jab Aaya Nazar Bazar E Sitam
Ek Dard Sa Dill Mein Hota Tha
Dill Khoon Ky Aansoo Rota Tha
Bas Aik Yehi Woh Lamha Tha
Jab Teri Nawasi Ghabrai
Main Sham Ki Qaid Nibha Aai
Har Aik Qadam Par Yad Aye
Abbas Dilawar Aur Akbar
Chalta Tha Mery Dill Par Khanjar
Baalon Sy Chupati Thi Chehra
Har Simt Kharhy Thy Tamashai
Main Sham Ki Qaid Nibha Aai
Durron Ki Aziyat Thi Har Dam
Aur Khaal Juda Thi Jismon Sy
Us Waqt Bhi Apny Khutbon Sy
Paigham Khuda Ka Pahunchaya
Aur Shan Ali Ki Dikhlai
Main Sham Ki Qaid Nibha Aai
Nana Jis Waqt Sakina Ko
Zalim Ny Kaneezi Mein Manga
Ro Ro Ky Mera Dil Kehta Tha
Is Waqt Sy Pehly Mery Khuda
Kiun Zainab Ko Na Maot Aai
Main Sham Ki Qaid Nibha Aai
Barsaat Lahu Ki Ankhon Sy
Har Gaam Jigar Ny Barsai
Main Sham Ki Qaid Nibha Aai
Jab Nam Kisi Syedani Ka
Zalim Ky Labon Par Ata Tha
Dill Gham Sy Mera Phat Jata Tha
Tukry Tha Kalaija Is Gham Sy
Aur Rooh Badan Mein Thar’raai
Main Sham Ki Qaid Nibha Aai
Woh Lehza Qayamat Tha Mazhar
Jis Waqt Nabi Ky Rozy Par
Kehti Thi Yeh Zainab Ro Ro Kar
Bhai Ki Nishani Bhi Main To
Zindaan E Sitam Mein Chorh Aai
Main Sham Ki Qaid Nibha Aai