Reciter: Shahid Baltistani
Baba Jaan Baba Jaan
Meri Kahani Suno
Baba Tumhari Sakina Hun Main
Baba Qasam Kha Ky Kehti Rahi
Karta Nahi Tha Yaqeen Yeh Koi
Ab Tum Hi Dy Do Gawahi Meri
In Shamion Sy Kaho
Baba Tumhari Sakina Hun Main
Meri Kahani Suno
Baba Tumhari Sakina Hun Main
Ashoor Tak Yeh Zaeefi Na Thi
Baalon Mein Mery Safaidi Na Thi
Tum Jab Gaye Thy Main Aisi Na Thi
Lehjy Sy Pehchan Lo
Baba Tumhari Sakina Hun Main
Kehta Tha Zalim Satao Isy
Durray Tamanchy Lagao Isy
Naiza Dikha Kar Darao Isy
Maloom Tha Shimr Ko
Baba Tumhari Sakina Hun Main
Baghi Ki Beti Samajh Kar Mujhy
Bachon Ny Mary Hain Pathar Mujhy
Rehna Nahi Ab Yahan Par Mujhy
Bas Karbala Ly Chalo
baba
Meri Kahani Suno
Zid Ki Thi Bachpan Mein Jab Aap Ny
Aaye Thy Malboos Firdous Sy
Aaj Apni Madar Sy Mery Liye
Meri Kafan Maang Lo
Baba Tumhari Sakina Hun Main
Zindan Ka Naqsha Badal Jaye Ga
Kuch Dair Mein Dam Nikal Jaye Ga
Dill Jaty Jaty Behal Jaye Ga
Sughra Ki Baten Karo
Baba Tumhari Sakina Hun Main
Meri Kahani Suno
Mujh Ko Tamancha Hi Aisa Laga
Nazron Mein Meri Andhera Hua
Meri Kamar Mein Bhi Kham Aa Gaya
Dagh E Rasan Dekh Lo
Baba Tumhari Sakina Hun Main
Meri Kahani Suno
Baba Tumhari Sakina Hun Main
Sar Apny Baba Ky Sar Par Rakhy
Boli Takallum Woh Roty Huye
Sab Maarny Par Tuly Hain Mujhy
Tum Keh Do Jeeti Raho
baba
Meri Kahani Suno