Reciter: Farhan Ali Waris
Mout Ki Aghosh Main lyrics by kalam khuwan Farhan Ali Waris in 2019. View Farhan Ali Waris Mother’s Day kalam lyrics similar to lyrics of Mout Ki Aghosh Main on Khairilamal.
Mout Ki Aghosh Main Lyrics by Farhan Ali Waris in English text
Mout Ki Aghosh Main Jab Thak Ky So Jati Hai Maan
Tab Kahin Ja Kar Raza Thora Sukoon Pati Hai Maan
Fikr Mein Bachon Ky Kuch Is Tarah Ghul Jati Hai Maan
Nojawan Hotay Huye Boorhi Nazar Aati Hai Maan
Mangti Hi Kuch Nahi Apnay Liye Allah Say
Apnay Bachon K Liye Daman Ko Phailati Hai Maan
Rooh Ky Rishton Ki Yeh Gehraian To Daikhiye
Chot Lagti Hai Hamaray Aur Chillati Hai Maan
Maan
Pehlay Bachon Ko Khilati Hai Sukoon O Chain Say
Baad Mein Jo Kuch Bachay Woh Shaoq Say Khati Hai Maan
Bhooka Sonay Hi Nahi Deti Yateemon Ko Kabhi
Janay Kis Kis Say Kahan Say Maang Kar Laati Hai Maan
Jab Khilonay Ko Machalta Hai Koi Ghurbat Ka Phool
Ansoo’on Ky Saaz Par Bachay Ko Behlati Hai Maan
Gumrahi Ki Gard Na Jam Jaye Meray Laal Par
Barish E Emaan Mein Yun Roz Nehlati Hai Maan
Apnay Pehloo Mein Lita Kar Roz Totay Ki Tarah
Aik Barah Paanch Choda Hum Ko Ratwati Hai Maan
Janay Kitni Baraf Si Raaton Mein Aisa Bhi Hua
Bacha To Chaati Py Hai Geelay Mein So Jati Maan
Hadiyon Ka Ras Pila Kar Apnay Dill Ky Chain Ko
Kitni Hi Raaton Mein Khali Pait So Jati Hai Maan
Ghar Say Jab Pardais Jata Hai Koi Noor E Nazar
Hath Mein Quran Lay Kar Dar Py Aa Jati Hai Maan
Kaanpti Awaz Say Kehti Hai Beta Alwidah
Samnay Jab Tak Rahay Hathon Ko Lehrati Hai Maan
Jab Pareshani Mein Hun Ghir Jatay Hain Pardais Mein
Aansoo’on Ko Ponchanay Khuwabon Mein Aa Jati Hai Maan
Chahay Hum Khushiyon Mein Maan Ko Bhool Jayen Dosto
Jab Museebat Sar Py Parhti Hai To Yaad Ati Hai Maan
Door Ho Jati Hai Sari Umar Ki Us Dam Thakan
Biyah Kar Baitay Ki Jab Ghar Mein Dulhan Lati Hai Maan
Cheen Leti Hai Wohi Aksar Sukoon E Zindagi
Pyar Say Jis Ko Biyah Ky Ghar Mein Lay Ati Hai Maan
Bawafa Khidmat Guzaar Aa Jaye Jo Ghar Mein Dulhan
Sara Ghar Us Ky Hawalay Kar Sukoon Pati Hai Maan
Beta Kitna Hi Bura Ho Par Parosan Ky Huzoor
Rok Kar Jazbaat Ko Betay Ky Gunn Gati Hai Maan
Allah Allah Allah Allah
Allah Allah Bhool Kar Har Ek Sitam Ko Raat Din
Poti Poton Say Shakista Dill Ko Behlati Hai Maan
Shadian Kar Kar Ky Bachay Ja Basay Pardais Mein
Dill Khaton Say Aur Tasweeron Say Behlati Hai Maan
Zabt To Daikho Keh Itni Bey Rukhi Ky Bawajood
Bad Dua Baitay Ko Deti Hai Na Pachtati Hai Maan
Jab Jawan Beti Ho Ghar Mein Aur Koi Rishta Na Ho
Roz Ek Ehsas Ki Sooli Pay Charh Jati Hai Maan
Martay Dam Bachay Na Aayen Ghar Agar Pardais Say
Apni Dono Putliyan Chokhat Py Rakh Jati Hai Maan
Maan
Baad Mar Janay Ky Phir Betay Ki Khidmat K Liye
Bhais Beti Ka Badal Ky Ghar Mein Aa Jati Hai Maan
Allah Allah Allah Allah
Sal Bhar Mein Ya Kabhi Haftay Mein Jumerat Ko
Zindagi Bhar Ka Sila Ek Fatiha Pati Hai Maan
Pyar Kehtay Hain Kisay Aur Maamta Kya Chez Hai
Koi Un Bachon Say Poochay Jin Ki Mar Jati Hai Maan
Shukriya Ho Hi Nahi Sakta Kabhi Maan Ka Adaa
Martay Martay Bhi Dua Jeenay Ki Dy Jati Hai Maan
Mout Ki Aghosh Mein Jab Thak Ky So Jati Hai Maan
Tab Kahin Ja Kar Raza Thora Sukoon Pati Hai Maan