Reciter: Farhan Ali Waris

Hussain Marhaba Hussain

Karbala Ki Sham Hai
Asar Ka Hangaam Hai
Hussain Zuljanah Par Sawar Hai
Larh Raha Hai Teen Shab O Roz Ka Pyasa
… Py Ghaibi Ki Yeh Goonji Sada

Ya Aiya To Han Nafs Ul Mutmaiina Irjiee Ilaa Rabbik

Laot Aa Laot Aa Nafs E Mutmainna Ya Hussain

Ghar Say Chala Tu Isi Maan Par
Aanch Nahi Aye Gi Quran Par
Qarz Tera Khoon Hai Insan Par
Ho Gi Khushi Tujh Ko Yehi Jaan Kar

Tu Nay Mujhay Jeet Diya Ya Hussain
Laot Aa Loat Aa Nafs E Mutmainna Ya Hussain

Teen Shab O Roz Tu Pyasa Raha
Lashon Py Lashay Bhi Uthata Raha
Sabr Ky Johar Bhi Dikhata Raha
Shukar Mera Labb Py Sajata Raha

Tu Nay Mujhay Jeet Liya Ya Hussain
Loat Aa Loat Aa Nafs E Mutmaiina Ya Hussain

Doob Gaya Nehr Mein Baiyat Ka Naam
Teri Shujaat Py Karun Kya Kalam
Tu Nay Kiya Hurr Ko Alaihe Salam
Kiun Na Khaun Fakhr Say Ay Tishna Gaam

Tu Nay Mujhay Jeet Liya Ya Hussain
Loat Aa Loat Aa Nafs E Mutmaiina Ya Hussain

Apnay Bharay Ghar Ko Luta Kar Hussain
Lasha E Akbar Ko Utha Kar Hussain
Lashon Say Maqtal Ko Saja Kar Hussain
Wada E Tifli Ko Nibha Kar Hussain

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Maot Py Tu Dasht Mein Aisay Gira
Maot Ky Mathay Py Paseena Mila
Kehtay Hain Sab Auliya Sab Anbiya
Jo Na Koi Kar Saka Tu Nay Kiya

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Tu Nay Sitam Gaaron Ko Ruswa Kiya
Parcham E Islam Ko Ooncha Kiya
Zulm Saha Sabr Ka Sajda Kiya
Kya Kisi Insan Nay Aisa Kiya

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Tu Meray Quran Ki Tafseer Hai
Tu Hi Meray Deen Ki Taqdeer Hai
Karbobala Khuld Ki Tasweer Hai
Meri Riza’at Teri Jageer Hai

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Jo Bhi Gaya Dasht Mein Bey Sar Hua
Khoon Mein Ghazi Ka Alam Tar Hua
Jis Tarah Barbad Tera Ghar Hua
Qatl Teray Hathon Pay Asghar Hua

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Maot Nay Manga Tha Faqat Aik Sar
Tu Nay Diye Us Ko Bahattar Magar
Nuqta E Baa Sirf Hai Tera Padar
Jani E Zibh E Azeem Aamad Pisar

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Teri Madad K Liye Aaye Thay Sab
Zehra Thi Hamraah E Ameer E Arab
Zaafar E Jinn Aye Thay Behr E Adab
Reh Gaye Khamosh Magar Teray Labb

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Roti Rahi Zainab E Nashad Bhi
Teri Sakina Tera Sajjad Bhi
Teri Tarah Thi Teri Aulad Bhi
Kartay Rahay Shukar Bhi Faryad Bhi

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Aur Kahen Mazhar O Farhan Kya
Teray Bina Fikr Kya Emaan Kya
Deen Kya Toheed Kya Quran Kya
Teray Liye Kehta Hai Subhan Kya

Tu Nay Mujhay Jeet Liya Ya Hussain
Loat Aa Loat Aa Nafs E Mutmainna Ya Hussain

Qotel Al Hussaino Bey Karbala
Zibha Al Hussaino Bey Karbala

Join Khairilamal on WhatsApp

WhatsApp

Leave a Reply