Reciter: Mir Hasan Mir

Nikla Hai Janaza Koi Allah Key Ghar Say
Aflaak Mein Ek Shor Hai Matam Ke Asar Say

Afsos Keh Masjid Mein Namazi Gaya Mara
Kuch Kam Nahi Yeh Hashr Qayamat Ke Asar Se

Nikla Hai Janaza Koi Allah Kay Ghar Say

Shabbir Ko Yad Aa Gai Khud Apni Sakina
Zainab Ko Hataya Gaya Jab Lash E Padar Sey

Nikla Hai Janaza Koi Allah Kay Ghar Say

Abbas Zara Zainab E Muztar Se Khabardar
Faryad Mein Hat Jaye Na Chadar Kahin Sar Se

Nikla Hai Janaza Koi Allah Kay Ghar Say

Yad Aa Gaya Zainab Ko Woh Pehloo E Shikasta
Roomal Hataya Gaya Baba Ke Jo Sar Se

Nikla Hai Janaza Koi Allah Kay Ghar Say

Han Bhool Na Jana Inhen Koofey Key Makeenon
Guzren Gi Yeh Shehzadian Is Raah Guzar Se

Nikla Hai Janaza Koi Allah Kay Ghar Say

Zainab Sy Yeh Keh Do Keh Woh Dill Khol K Roye
Shabbir Ki Hamsheer Hai Rony Ko Na Tarsy

Nikla Hai Janaza Koi Allah Kay Ghar Say

Join Khairilamal on WhatsApp

WhatsApp

Leave a Reply