Reciter: Farhan Ali Waris
Pay Sajjad Main Zanjeer Parhi Hai Baba
Taoq Sy Gardan E Beemar Jhuki Hai Baba
Nehr Sy Asp O Shutar Peety Hai Pani Lekin
Mery Bachon K Liye Tashna Labi Hai Baba
Pay Sajjad Main Zanjeer Parhi Hai Baba
Bosy Nana Ny Liye Jis Ky Galy Ky Paiham
Ab Usi Halq Py Talwar Chali Hai Baba
Pay Sajjad Main Zanjeer Parhi Hai Baba
Kat Gaye Bazo E Abbas E Alamdar E Jari
Bachi Kooza Liye Hathon Mein Kharhi Hai Baba
Pay Sajjad Main Zanjeer Parhi Hai Baba
Mery Akbar Ky Kalaijy Ko Sinan Kat Gai
Barchi Seeny Mein Mery Toot Gai Hai Baba
Pay Sajjad Main Zanjeer Parhi Hai Baba
Gardan E Asghar E Bey Sheer Sy Behta Hai Lahoo
Yeh Museebat Mery Bhai Py Barhi Hai Baba
Pay Sajjad Main Zanjeer Parhi Hai Baba
Ly Chali Faoj E Sitam Janib E Zindan Mujh Ko
Sakht Zainab Py Bahut Bas Yeh Gharhi Hai Baba
Pay Sajjad Main Zanjeer Parhi Hai Baba
Han Isi Koofy Ki Kehlati Thi Main Shehzadi
Reesma Aaj Jahan Mery Bandhi Hai Baba
Paaye Sajjad Main Zanjeer Parhi Hai Baba
Dill Mein Ghar Jany Ka Armaan Tha Sakina To Bahut
Mar Ky Bhi Us Ko Rihai Na Mili Hai Baba
Paay Sajjad Mein Zanjeer Parhi Hai Baba
Paon Zakhmi Hain Badan Zakhmi Hai Dill Zakhmi Hai
Kya Mery Zakhmon Ki Tadad Koi Hai Baba
Paye Sajjad Main Zanjeer Parhi Hai Baba
Ab Jo Ghar Jaun Gi Ghabraun Gi Mar Jaun Gi
Aag Seeny Mein Judai Ki Lagi Hai Baba
Pay Sajjad Mein Zanjeer Parhi Hai Baba
Mar Gaya Bhai Mery Laal Juda Mujh Sy Huye
Gham Ki Soghat Mery Pas Bachi Hai Baba
Pay Sajjad Main Zanjeer Parhi Hai Baba
Nangy Sar Koocha O Bazar Mein Ho Kar Aai
Ladli Aap Ki Zindaan Mein Rahi Hai Baba
Pay Sajjad Main Zanjeer Parhi Hai Baba
Dekh Kar Hashar Mein Rehan Kahen Gi Zainab
Shahyer E Hazrat E Shabbir Yehi Hai Baba
Pay Sajjad Main Zanjeer Parhi Hai Baba