Reciter: Farhan Ali Waris
Haye
Chalees Baras Rona Koi Aasan To Nahi Hai
Woh Khoon Kay Aansoo Rota Raha Rona To Yehi Hai
Karbobala Say Taa Ba Madina Us Ko Har Manzar Nay Rulaya
Sajjad Roya Or Bohot Roya
Sajjad Roya Or Bohot Roya
Abid Ko Zainab Nay Jagaya
Jab Hangam E Asar Hua
Khaimay Ka Parda Jo Hataya
Zabt Ka Phir Yaara Na Raha
Pehli Bar Jo Shah Ky Sar Ko
Khooli Nay Naizay Pay Charhaya
Sajjad Roya Or Bohot Roya
Bey Chadar Sayedanion Pay
Bazaar Mein Pathar Jab Barsay
Chehray Zakhmi Ho Jatay Thay
Hath Pas E Gardan Thay Bandhay
Daikh Keh Yeh Manzar Ghazi Nay
Sar Ko Jab Naizay Say Giraya
Sajjad Roya Aur Bahut Roya
Daikha Jab Sajjad Nay Ek Din
Pani Lay Aya Hai Shaqi
Dill Mein Socha Ab To Meri Yeh
Behna Pani Pee Lay Gi
Aur Sakina Nay Woh Pani
Jab Us Ki Bairhi Pay Giraya
Sajjad Roya Aur Bahot Roya
Bola Jab Darbar Mein Zaalim
Kon Hai In Mein Bint E Ali
Us Damm Har Sayedani Zainab
Keh Aagay Aa Jati Thi
Bibiyon Ko Jab Shimr E Laeen Nay
Nam Un Ka Ly Ly Ky Bulaya
Sajjad Roya Or Bohot Roya
Fizza Boli Zakhmon Mein
Paiwast Hai Bachi Ka Kurta
Aur Kafan Kay Hotay Huye
Sajjad Kafan Bhi Day Na Saka
Khoon Bharay Kurtay Mein Jis Dam
Bali Sakina Ko Dafnaya
Sajjad Roya Or Bahot Roya
Karbobla Say Aa Kay Madina
Jab Bazar Woh Jata Tha
Daikha Ky Us Ko Daltay Thay
Qassab Zabeehon Par Kaprha
Daikha Jab Bhi Koi Zabeeha
Keh Ky Baba Haye Baba
Sajjad Roya Aur Bahut Roya
Karta Hai Minhal Riwayat
Aksar Aisa Hota Tha
Jab Awaz Azaan Ki Ati
Mera Maula Rota Tha
Aur Namaz Ky Waqt Kabhi Jo
Pani Wazu Ka Samnay Aya
Sajjad Roya Aur Bahut Roya
Meray Betay Ki Shadi Hai
Zohri Nay Aa Kar Jo Kaha
Yad Aya Sajjad Ko Apnay
Bhai Akbar Ka Lasha
Karbobala Ky Baad Kisi Nay
Jab Us Ko Shadi Mein Bulaya
Sajjad Roya Aur Bahut Roya
Baba Ka Bay Gor O Kafan Lasha
Mar Ky Bhi Yad Raha
Haye Ray Sajjad Ka Lasha
Khoon Ky Aansoo Rota Tha
Yaad Aai Bey Kafan Padar Ki
Jab Keh Kafan Baqir Nay Pinhaya
Sajjad Roya Aur Bahut Roya
Zill E Raza Meri Aankhon Mein
Koi Bhi Lamha Aisa Nahi
Jis Lamhay Mein Mera Maula
Khoon Ky Aansoo Roya Nahi
Noha Yeh Farhan Ali Nay
Jab Bhi Kabhi Majlis Mein Sunaya
Sajjad Roya Aur Bahut Roya