Reciter: Farhan Ali Waris

Haye
Tanha Hussain Lakhon Laeenon Mein Ghir Gaya
Talwar O Teer O Naizon Say Zakhmi Bahut Hua

Ghorhay Ki Zeen Say Jo Gira Ibne Fatima
Na Zeen Na Zameen Pay Teeron Py Ruk Gaya

Maqtal Mein Khak Urhati Hain Ro Ro Kay Sayeda
Khanjar Laeen Ka Gardan E Shabbir Par Chala

Teeron Ki Zadd Py Hai Tan E Athar Hussain Ka
Sar Kaat Kar Chala Hai Sitamgar Hussain Ka

Qatil Meray Hussain Kay Seenay Pay Tha Sawar
Pathar Py Us Nay Kund Ki Khanjar Ki Pehlay Dhaar
Nazeed Tha Keh Shehrag E Mazloom Par Ho Waar
Zehra Nay Hath Rakh Diye Ro Ro Ky Zaar O Zaar
Ay Shimr Sar Na Katiyo Muztar Hussain Ka
Sar Kaat Kar Chala Hai Sitamgar Hussain Ka

Sar Kaat Kar Chala Hai Sitamgar Hussain Ka

Bolay Hussain Shimr Say Mujh Ko Hai Yeh Yaqeen
Hamsheer Meri Rait Kay Teelay Pay Hai Hazeen
Manzar Woh Meray Qatl Ka Na Daikh Lay Kahin
Lay Ja Mujhay Nashaib Ki Jaanib Tu Ay Laeen
Yeh Gham Na Jhail Paye Gi Khuahar Hussain Ka
Sar Kaat Kar Chala Hai Sitamgar Hussain Ka

Sar Kaat Kar Chala Hai Sitamgar Hussain Ka

Socha Laeen Nay Ho Pas E Gardan Say Yeh Jafa
Phir Terah Zarben Maar Kar Sar Kar Diya Juda
Har Zarb Par Hussain Nay Amma Ko Di Sada
Pyasa Hai Teen Roz Say Amman Mera Gala
Bas Lasha Reh Gaya Hai Zameen Par Hussain Ka
Sar Kaat Kar Chala Hai Sitamgar Hussain Ka

Sar Kaat Kar Chala Hai Sitamgar Hussain Ka

Uljhi Hui Ragen Hain Lahu Mein Hai Tarr Jabeen
Baalon Sar Sar Pakarh Kay Uthata Hai Woh Laeen
Sar Say Tapak Raha Hai Khoon Tarr Ho Gai Zameen
Yeh Keh Ky Peechay Shimr Kay Khud Sayeda Chaliin
Ay Shimr Ab To Maan Ko Dy Dy Sar Hussain Ka
Sar Kaat Kar Chala Hai Sitamgar Hussain Ka

Sar Kaat Kar Chala Hai Sitamgar Hussain Ka

Lashkar Say Aa Kay Shimr Yeh Karnay Laga Kalaam
Sar Katnay Gaya Jo Main Nazdeek E Tishna Gaam
Hiltay Thay Labb Hussain Kay Kehtay Thay Kuch Imam
Mainy Suna To Lab Py Tha Abbas Hi Ka Naam
Tarhpa Lab E Furaat Baradar Hussain Ka
Sar Kaat Kar Chala Hai Sitamgar Hussain Ka

Sar Kaat Kar Chala Hai Sitamgar Hussain Ka

Naaqaray Faoj E Zulm Mein Bajnay Lagay Jooh Hi
Bhai Shaheed Ho Gaya Zainab Samajh Gai
Farhan O Mazhar Abidi Kaisi Thi Bey Kasi
Boli Haram Say Aa Kay Yeh Beti Batool Ki
Matam Karo Keh Lutt Gaya Ab Ghar Hussain Ka
Sar Kaat Kar Chala Hai Sitamgar Hussain Ka

Sar Kaat Kar Chala Hai Sitamgar Hussain Ka

Join Khairilamal on WhatsApp

WhatsApp

Leave a Reply