Reciter: Farhan Ali Waris

Junbish Jo Marqadon Mein Na Pai Hussain Ny
Ek Mushk Khak Jhuk Ky Uthai Hussain Ny
Khud Soonghi Aur Behan Ko Sunghai Hussain Ny
Zainab Pukari Dekho Meri Jaan Jati Hai
Ary Bhaiya Tumhary Khoon Ki Boo Is Mein Ati Hai

Shah Ne Kaha Zainab Se Yehi Karbobala Hai
Pyasa Yahin Rehna Hai Yehi Qatal Ki Jaa Hai

Sheh Ne Kaha Zainab Se Yehi Karbobala Hai

Is Dasht Mein Bhai Sy Bicharh Jao Gi Zainab
Rahat Yahan Ek Pal Bhi Nahi Pao Go Zainab
Yeh Karb Ki Manzil Hai Yehi Dasht E Bala Hai
Shah Ne Kaha Zainab Se Yehi Karbobala Hai

Ab Is Sy To Agy Hamen Jana Nahi Behna
Is Dasht Ki Matti Hai Behan Mera Bichona
Khoon Mera Bahy Is Py Yeh Qismat Mein Likha Hai
Shah Ne Kaha Zainab Se Yehi Karbobala Hai

Is Dharti Py Kho Jayen Gy Ab Ankhon Ky Taary
Bikhren Gy Isi Khak Py Quran Ky Paary
Yeh Zulm Ki Basti Hai Yehi Shehar E Jafa Hai
Shah Ne Kaha Zainab Se Yehi Karbobala Hai

Pala Hai Jinhen Naaz Se Woh Bhi Na Rahen Gy
Ab Un Ki Aza Khuld Mein Hum Ja Ky Sunen Gy
Yeh Marziye Rabb Hai Yehi Nana Ki Raza Hai
Shah Ne Kaha Zainab Se Yehi Karbobala Hai

Tarhpy Ga Isi Khak Py Ek Rat Ka Dulha
Bikhry Ga Isi Khak Py Noshah Ka Sehra
Sadma Kisi Dulhan Ky Liye Kitna Barha Hai
Shah Ne Kaha Zainab Se Yehi Karbobala Hai

Ankhon Ka Teri Noor To Do Tery Pisar Hain
Hona Isi Matti Sy Juda Un Ky Bhi Sar Hain
Dono Ny Shahadat Ka Sabaq Tujh Sy Parha Hai
Shah Ne Kaha Zainab Se Yehi Karbobala Hai

6 Maah Faqat Jhooly Mein Jhoola Hai Jo Bacha
Tarhpy Ga Isi Khak Py Seh Roz Ka Pyasa
Ek Teer E Sitam Us Ki Taraf Dekh Raha Hai
Shah Ne Kaha Zainab Se Yehi Karbobala Hai

Kohram Hua Majlis E Shabbir Mein Barpa
Har Ahl E Aza Seena O Sar Peet Raha Tha
Farhan Ny Rehan Yeh Noha Jo Parha Hai
Shah Ne Kaha Zainab Se Yehi Karbobala Hai

Join Khairilamal on WhatsApp

WhatsApp

Leave a Reply