Reciter: Farhan Ali Waris
Pehlay Hi Ahlebait Say Roshan Thi Kayenaat
Akbar Nay Aur Bhi Usay Ab Jagmaga Diya
Khaliq Nay Jab Banai Haseenon Ki Saltanat
Akbar Ko Ehl Jaan Kay Haakim Bana Diya
Suna Hai Giyarvi Shaban Ko Madinay Mein
Woh Arsh Walay Zameen Par Utar Kay Daikhtay Hain
Suna Hai Amad E Akbar Ka Shor Jannat Mein
Makeen Udhar Kay Nazaray Idhar Kay Daikhtay Hain
Suna Hai Hazrat E Yousuf Ko Kuch Gumaan Sa Hai
So Woh Bhi In Ki Gali Say Guzar Kay Daikhtay Hain
Suna Hai Aaj To Saktay Mein Khud Zulaikha Hain
Keh Husn Walay Bhi Jin Ko Thehar Kay Daikhtay Hain
Suna Hai Husn Say Akbar Ky Yun Huye Madhosh
Farishtay Apnay Paron Ko Qatar Kay Daikhtay Hain
Suna Hai Daikh Kay Akbar Ko Gum Huye Dono
Chalan Sitaray Bhi Shams O Qamar Kay Daikhtay Hain
Suna Hai Aaj Bahut Khush Hain Fatima Zehra
Kahan Kisi Ko Ali Aankh Bhar Kay Daikhtay Hain
Suna Hai Arsh Py Sadqa Utara Hooron Nay
Hussain Naaz Say Apnay Pisar Ko Daikhtay Hain
Suna Hai Noor Hi Aisa Hai Us Ki Soorat Par
Khuda Kay Noor Bhi Noor E Nazar Ko Daikhtay Hain
Suna Hai Husn Ka Mabood Dill Mein Hai Mazhar
So Aaj Apnay Hi Dill Mein Utar Kay Daikhtay Hain