Reciter: Mir Hasan Mir

Suno Siffeen Suno
Suno Siffeen Suno

Quran E Shujaat Sy Main Yaseen Sunaun
Dil Walo Safen Bandho Main Siffeen Sunaun

Suno Siffeen Suno

Kya Khaima E Haider Mein Hai Siffeen Ka Manzar
Jhurmat Mein Sitaron Ki Hai Ek Chand Zameen Par
Haider Ky Pisar Charon Taraf Beech Mein Haider
Yeh Dekh Ky Hairan Hai Khud Malik E Ashtar
Aaina E Noor Aik Sab Hi Aks E Jari Hain
Mola Kahun Kis Ko Yahan Sary Hi Ali Hain

Suno Siffeen Suno

Baiton Sy Mukhatib Hua Imran Ka Beta
Dy Mujh Sy Yeh Kehta Hai Mery Ay Bani Zahra
Yani Hai Yeh Khaliq Ky Irady Ka Irada
Maidan Mein Larhy Aj Koi Baita Ali Ka
Khul Jaye Ky Walion Ka Wali Larhta Hai Kaisy
Main Bhi To Zara Daikhun Ali Larhta Hai Kaisy

Suno Siffeen Suno

Ek Goshy Sy Sun Kar Yeh Utha Koi Dilawar
Qad Tera Baras Mein Abu Talib Ky Barabar
Soorat Mein Ali Hamza Sifat Azm Mein Jafar
Sar Ta Ba Qadam Qudrat E Mabood Ka Paikar
Zahra Ki Sada Aai Ky Almas Larhy Ga
Hasnain Ky Baba Mera Abbas Larhy Ga

Suno Siffeen Suno

Goya Hua Phir Dast E Adab Jorh Ky Zaigham
Ay Mehram E Asrar E Khuda Khaliq E Adam
Hasrat Hai Hamari Bhi Larhai Yeh Larhen Hum
Wada Raha Yeh Aap Sy Ay Qibla E Aalam
Zahra Ki Tamannaon Ka Akkas Na Kehna
Dushman Na Ali Keh Dy To Abbas Na Kehna

Suno Siffeen Suno

Saj Ban Gya Khaimy Mein Jo Haider Ka Dulara
Sadqa Mery Ghazi Ka Wafaon Ny Utara
Chehry Py Naqab Aap Yeh Karta Hai Ishara
Tareekh Ny Dekha Kahan Phir Aisa Nazara
Pardy Mein Kuch Is Tarah Sy Abbas E Jari Thy
Jaisy Pas E Parda Shab E Mairaj Ali Thy

Suno Siffeen Suno

Khaimy Sy Baramad Hua Haider Ka Ghazanfar
Ghaiz O Ghazab O Raob O Jalal Aye Ghazab Par
Tayyar Nazar Aaya Jo Lashkar Pas E Lashkar
Jibreel Ny Damm Nad E Ali Kar Li Paron Par
Haibat Thi Ajab Sans Farishton Ky Charhy Thy
Khud Maot Sy Chup Kar Malak Al Maot Kharhy Thy

Kis Shair Ki Amad Hai Ky Ran Kanp Raha Hai
Ran Aik Taraf Charkh E Karam Kanp Raha Hai
Rustam Ka Badan Zair E Kafan Kanp Raha Hai
Har Qasr E Salateen E Kanp Raha Hai
Shamsheer Bakaf Dekh Ky Haider Ky Pisar Ko
Jibreel Larazty Hain Samaity Huye Par Ko

 

Kis Shair Ka Maidan Mein Utarta Hai Jigar Band
Aada Py Kiya Maot Ny Har Zeest Ka Dar Band
Munh Kholy Hain Hairat Sy Zubanen Hain Magar Band
Lashkar Hua Nazron Mein Dilawar Ki Nazar Band
Taoba Ka Na Dar Rehmat E Alam Ka Khula Hai
Sab Band Hain Bas Rasta Jahannam Ka Khula Hai

Suno Siffeen Suno

Jis Samt Chala Taigh Uthaye Woh Bahadur
Sab Tayer E Arwah Urhy Jismon Sy Pur Pur
Dehshat Sy Tha Har Aik Guru Bhooly Huye Gurr
Tha Taigh Ki Jhankar Mein Parhcam Ka Ajab Surr
Awaz Yehi Ahl E Dagha Dety Thy Bhago
Sab Rag Pahari Mein Sada Dety Thy Bhago

Bhago Bhago

Suno Siffeen Suno

Yak Bar Kiya Shair Ny Hamla Jo Jhapat Kar
Patton Ki Tarah Jism Ki Shakhon Sy Giry Sar
San San Jo Chali Taigh Ulatny Lagy Lashkar
Paigham Ali Ka Yeh Hawa Ny Diya Aa Kar
Dil Khol Ky Larh Lo Na Taraddud Mein Raho Tum
Abbas Yahin Rok Dun Sooraj Jo Kaho Tum

Suno Siffeen Suno

Talwar Sy Dar Dar Ky Na Dar Bhag Rahy Thy
Thi Maot Udhar Ran Mein Jidhar Bhag Rahy Thy
Bhaga Nahi Jata Tha Magar Bhag Rahy Thy
Jaldi Mein Badan Chorh Ky Sar Bhag Rahy Thy
Sans Un Ky Ruky Thy Keh Jo Maidan Mein Ruky Thy
Zindon Ki Yeh Halat Thi Keh Murdon Mein Chupy Thy

Suno Siffeen Suno

Kehti Thi Ajal Dasht Sy Bejan Samaito
Yeh Hath Yeh Sar Jism Yeh Dandaan Samaito
Ay Zakhmion Bikhre Huye Aosaan Samaito
Ghar Jao Meri Maan Lo Samaan Samaito
Marty Ho Jawani Mein Ajab Zaoq Hai Tum Ko
Kya Khud Kushi Karny Ka Bahut Shaoq Hai Tum Ko

Suno Siffeen Suno

Tareekh Sunati Hai Yeh Siffeen Ka Qissa
Maidan Mein Jo Aaye Pisarany Bey Nasha Sa
Na Ginn Ky Sampoly Thy Magar Wah Ry Hamla
Moosa Ky Asa Ki Tarah Sab Kha Gya Naiza
Saaton Py Bazurgon Ky Sabaq Kar Diye Roshan
Do Aisy Kiye Choda Tabaq Kar Diye Roshan

Suno Siffeen Suno

Dil Mein Yehi Kehta Raha Sarwar Ka Alamdaar
Phir Maoqa Mily Ya Na Mily Ay Meri Talwar
Taiz Aur Zara Taiz Zara Taiz Ho Raftar
Ay Kash Mujhe Roky Na Ab Haider E Karrar
Haq Kar Dun Ada Fatima Zahra Ky Namak Ka
Ary Badla Abhi Ly Lun Ga Main In Sab Sy Fidak Ka

Suno Siffeen Suno

Maidan Sy Utha Shor Ali Hai Yeh Ali Hai
Kehty Thy Fidak Khor Ali Hai Yeh Ali Hai
Boly Yeh Lab E Gor Ali Hai Yeh Ali Hai
Ary Bilkul Hai Wohi Zor Ali Hai Yeh Ali Hai
Sar Us Ka Urhy Ga Jo Kabhi Is Sy Arhy Ga
Allah Ki Taqat Sy Bhala Kon Larhy Ga

Suno Siffeen Suno

Shabbir Bhi Kehny Lagy Kya Khoob Kiya Kam
Do Hath Mein Hi Kar Diya Kuffar Mein Kohram
In Hathon Sy Hony Hain Abhi Aur Bahut Kam
Bhai Hai Tery Wasty Bhai Ka Yeh Inaam
Tu Aaye Ga Ay Shair Palat Kar Jo Hadaf Sy
Main Bazo Dabaun Ga Tery Maan Ki Taraf Sy

Suno Siffeen Suno

Haider Ny Naqab Aa Ky Uthai Jo Takallum
Abbas Ky Honton Py Nazar Aaya Tabassum
Baqi Jo Bachy Thy Woh Huye Daikh Ky Gum Sum
Maola Ny Kaha Sham Ky Lashkar Sy Suno Tum
Yeh Fatima Zahra Ki Duaon Ka Asar Hai
Pehchan Lo Sab Yeh Bani Hashim Ka Qamar Hai

Suno Siffeen Suno

Join Khairilamal on WhatsApp

WhatsApp

Leave a Reply