Reciter: Joan Rizvi
Haye Baraye Dafn E Hussain E Shaheed Tishna Kaam
Jab Aye Tairah Muharram Ko Mojzy Sy Imam
Kahin Pa Dekha Keh Bey Sar Parhi Hai Lash E Pidar
Kahin Pa Qasim O Akbar Kahin Ali Asghar
Tamam A’iza Ky Maqtal Mein Lashy Bikhry Thy
Yeh Haal Dekh Ky Dil Ko Pakarh Ky Beth Gaye
Baba Bhaiya Baba
Baba Ki Aur Bhai Ki Lashon Ky Darmian
Aankhon Sy Khoon Bahaty Thy Sajjad Natawan
Bola Bani Asad Sy Yeh Shabbir Ka Pisar
Meri Madad Karo Main Hun Mazloom O Bey Pidar
Lashy Parhy Huye Hain Jo Karbal Ki Rait Par
Dafnao Mery Sath Tum In Lashon Ko Yahan
Baba Ki Aur Bhai Ki Lashon Ky Darmian
Pehly Uthaya Bety Ny Woh Lasha E Pidar
Unness So Thy Zakhm Tan E Pash Pash Par
Baba Ko Rakh Ky Qabr Mein Bola Yehi Pisar
Baba Phirai Jati Hain Majmy Mein Bibian
Baba Ki Aur Bhai Ki Lashon Ky Darmian
Shakal E Nabi Ky Seeny Py Naizy Ka Zakhm Tha
Pehloo Mein Naiza Naizy Mein Dill Tha Laga Hua
Bey Sakhta Lipat Gaye Lashy Sy Aur Kaha
Balway Mein Bey Rida Huiin Akbar Tumhari Maan
Baba Ki Aur Bhai Ki Lashon Ky Darmian
Maqtal Mein Ek Gathri Py Us Damm Parhi Nazar
Us Ko Larazty Hathon Sy Dekha Jo Khol Kar
Tukry Thy Us Mein Lasha E Qasim Ky Khoon Mein Tarr
Khud Bandh Gaiin Yeh Dekh Ky Abid Ki Hichkian
Lashy Ky Tukry Jorh Ky Jab Qabr Mein Rakha
Abid Hi Jany Guzri Thi Abid Ky Dill Py Kya
Dulha Ko Rakh Ky Ganj E Shaheedan Mein Yeh Kaha
Tukry Yun Hi Kalaija E Shabbar Ky Thy Yahan
Baba Ki Aur Bhai Ki Lashon Ky Darmian
Boly Bani Asad Keh Huye Dafn Sab Shaheed
Sajjad Boly Aik Hai Sadma Bahut Shadeed
Hona Hai Dafn Aik Woh Lasha Abhi Mazeed
Sahil Py So Raha Hai Haram Ka Nigahbaan
Pahunchy Saron Ko Peet Kar Ghazi Ki Lash Par
Rakhy Thy Do Katy Huye Bazoo Idhar Udhar
Dekha Chacha Ki Lash Hai Poori Lahoo Mein Tarr
Roty Thy Choom Choom Ky Har Zakhm Ka Nishan
Baba Ki Aur Bhai Ki Lashon Ky Darmian
Ay Jaon O Majid Us Gharhi Sajjad Ny Kaha
Ay Ammu Dekho Kat Gaya Shabbir Ka Gala
Phuphiyon Ki Aur Maaon Ki Cheeni Gai Rida
Yeh Bayn Sun Ky Karbobala Thi Dhuwan Dhuwan
Baba Ki Aur Bhai Ki Lashon Ky Darmian
Ankhon Sy Khoon Bahaty Thy Sajjad Natawan
Baba Ki Aur Bhai Ki Lashon Ky Darmian
Lashon Ky Darmian