Reciter: Farhan Ali Waris
Amaan Main Aai Hun Amman Main Aai Hun
Teri Qabar Pay Amman Dard E Jigar Sunaun
Yeh Khoon Bhara Kurta Kaisay Tujhay Dikhaun
Teri Qabar Pay Amman Dard E Jigar Sunaun
Amman Yeh Aik Kurta Samaan Mein Bacha Hai
Amman Meray Akhi Ka Kurta Lahoo Bhara Hai
Marqad Mein Is Ko Rakh Lo Soghat E Sham Samjho
Tum Is Ko Pyar Kar Lo Aankhon Say Main Lagaun
Teri Qabar Pay Amman Dard E Jigar Sunaun
Amman Libas E Kohna Manga Tha Jab Akhi Nay
Amman Mujhay Tha Maara Us Waqt Zindagi Nay
Main To Samajh Gai Thi Marnay Chala Hai Bhai
Woh Dastaan Suna Kar Main Khud Hi Mar Na Jaun
Teri Qabar Pay Amman Dard E Jigar Sunaun
Amman Tera Gulshan Karbobala Mein Ujrha
Amman Tera Kunba Seh Roza Raha Pyasa
Khaimay Jalay Hain Amaan Looti Gai Ridayen
Main Dastaan Safar Ki Kya Kya Tujhay Bataun
Teri Qabar Pay Amman Dard E Jigar Sunaun
Amman Meri Rida Ka Zamin Jo Ek Jari Tha
Amman Woh Mera Bhaiya Jo Aks E Haideri Tha
Bazoo Qalam Tha Us Ka Gham Ko Bhi Gham Tha Us Ka
Us Khoon Bharay Alam Ko Palkon Pay Main Uthaun
Teri Qabar Pay Amman Dard E Jigar Sunaun
Amman Woh Sham Walay Nana Kay Ummati Woh
Amman Qasam Khuda Ki Thay Is Qadar Shaqii Woh
Bachon Py Zulm Kar Kay Khushiyan Mana Rahay Thay
Raahon Mein Marnay Walay Bachay Kahan Say Laun
Teri Qabar Pay Amman Dard E Jigar Sunaun
Amman Tumhari Beti Woh Kam Kar Kay Aai
Amman Wahan Bhi Mainay Farsh E Aza Bichai
Kehtay Hain Jis Ko Zindaan Us Ki Zameen Thi Hairan
Khud Keh Raha Tha Zindaan Farsh E Aza Bichaun
Teri Qabar Pay Amman Dard E Jigar Sunaun
Amman Say Bint E Haider Ro Ro Kay Keh Rahi Thi
Amman Suno Woh Manzar Jab Qaidi Main Bani Thi
Rehan Qabr E Zehra Karnay Lagi Thi Noha
Farhan Kis Tarah Say Woh Noha Main Sunaun
Teri Qabar Pay Amman Dard E Jigar Sunaun