Khairilamal

Unnees So Hain Zakham Lyrics Farhan Ali Waris Noha 2016

Language: Urdu
Reciter: Farhan Ali Waris
Recitation Type: Noha
Year: 2016

Unnees So Hain Zakham Lyrics written in english text and recited by noha khuwan Farhan Ali Waris in 2016. View Farhan Ali Waris noha lyrics similar to lyrics of Unnees So Hain Zakham Tan e Chak Chak Par on Khairilamal.

Unnees So Hain Zakham Lyrics by Farhan Ali Waris in English text

Haye
Gir Kar Kabhi Uthay Kabhi Rakha Zameen Py Sar
Ubla Lahoo Kabhi To Sambhala Kabhi Jigar
Hasrat Say Ki Khayam Ki Jaanib Kabhi Nazar
Karwat Kabhi Tarhap Ky Idhar Li Kabhi Udhar
Uth Bethay Jab To Zakhmon Say Barchi Ky Phal Giray
Teer Aur Tan Mein Garh Gaye Jab Munh Ky Ball Giray
Jangal Say Aai Fatima Zehra Ki Yeh Sada
Ummat Nay Mujh Ko Loot Liya Waa Muhammada
Is Waqt Kon Haq E Rifaaqat Karay Adaa
Zainab Say Boli Fatima Zehra Basad Buka

Unnees So Hain Zakhm Tan E Chak Chak Par
Zainab Nikal Hussain Tarhapta Hai Khak Par

Zainab Nikal Hussain Tarhapta Hai Khak Par

Kis Chah Say Pala Isay Aanchal Mein Chupa Kar
Main Jagti Rehti Isay Raaton Ko Sula Kar
Chaki Bhi Jo Peesi Hai To Godi Mein Bitha Kar
Kis Haal Mein Dekha Hai Isay Dasht Mein Aa Kar

Unnees So Hain Zakham Tan E Chak Chak Par
Zainab Nikal Hussain Tarhapta Hai Khak Par

Hai Kon Jo Mazloom Ko Teeron Say Bachaye
Seh Roz Kay Pyasay Ko Koi Pani Pilaye
Zakhmon Mein Bhari Khak Koi Aa Kar Churhaye
Har Laash Uthai Hai Isay Kon Uthaye

Unnees So Hain Zakhm Tann E Chaak Chaak Par
Zainab Nikal Hussain Tarhapta Hai Khaak Par

Abbas Ky Marnay Say Kamar Toot Chuki Hai
Akbar Kay Bicharh Janay Say Beenai Gai Hai
In Aankhon Mein Bey Sheer Ki Turbat Bhi Bani Hai
Hain Akhri Lamhaat Ajal Sar Py Kharhi Hai

Unnees So Hain Zakham Tan E Chak Chak Par
Zainab Nikal Hussain Tarhapta Hai Khak Par

Kuch Dair Mein Khanjar Meray Bachay Py Chalay Ga
Afsos Dam E Zibha Bhi Pani Na Milay Ga
Khanjar Ki Kai Zarbon Say Sar Is Ka Katay Ga
Ghayoor Hai Beta Mera Har Giz Na Kahay Ga

Unnees So Hain Zakham Tan E Chak Chak Par
Zainab Nikal Hussain Tarhapta Hai Khak Par

Baqi Hai Abhi Jaan Tera Bhai Hai Zinda
Ghorhay Kahin Dorha Na Den Bey Dard Hain Aadaa
Haye Haye Koi Bey Kass Ko Nahi Poochnay Wala
Bhai Say Muhabbat Hai To Maqtal Mein Chali Aa

Unnees So Hain Zakham Tan E Chak Chak Par
Zainab Nikal Hussain Tarhapta Hai Khak Par

Yeh Bayn Main Sunti Hun Teray Baba Ali Say
Ho Jayen Gay Pamaal Abhi Lashay Sabhi Kay
Kuch Marhalay Baqi Hain Ghareeb Ul Watani Kay
Jaa Haal Zara Daikh Lay Is Pyasay Akhi Kay

Unnees So Hain Zakham Tan E Chak Chak Par
Zainab Nikal Hussain Tarhapta Hai Khak Par

Aajiz Hai Yahan Aa Ky To Har Aik Sukhan War
Farhan Anees E Shah E Wala Ho Keh Mazhar
Likh Paya Nahi Aaj Talak Koi Woh Manzar
Jab Kehti Thi Zainab Say Meri Bibi Tarhap Kar

Unnees So Hain Zakham Tan E Chak Chak Par
Zainab Nikal Hussain Tarhapta Hai Khak Par

Support us by sharing our content as much as you can.

Did you find what you were looking for? If not, try searching.

Leave a Reply

Your email address will not be published. Required fields are marked *