Reciter: Farhan Ali Waris
Qasid Ko Ley Ky Aye Hain Maqtal Mein Jab Hussain
Zakhmon Ka Ek Hujoom Tha Maula Ky Sath Mein
Akbar Ki Lash Uthi Hai Tazeem K Liye
Akhir Behan Ka Khat Jo Tha Maula Ke Hath Mein
Betay Say Keh Rahay Thay Keh Behna Ka Khat Suno
Hai Karb Kayennat Ka Har Aik Baat Mein
Utho Akbar Khat Aaya Hai Khat Aaya Hai
Khat Mein Likha Hai Pehli Satar Par
Ay Meray Pyaray Bhaiya Akbar
Meri Dua Hai Ay Meray Bhaiya
Tujh Py Ho Qurban Teri Khuahar
Aanchal Dua Ko Phailaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Poocha Hai Beta Teri Bahan Nay
Akbar Key Sehra Kaisa Laga Hai
Hasrat Say Us Nay Yeh Bhi Likha Hai
Sehray Mein Chehra Kaisa Laga Hai
Baton Nay Us Ki Tarhpaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Kis Nay Lagai Akbar Ky Mehndi
Kuch To Batao Ay Baba Jani
Shadi Ka Jorha Jab Us Ny Pehna
Kaisi Lagi Thi Us Ki Jawani
Kaisa Woh Mera Maan Jaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Us Nay Likha Hai Akbar Ky Dam Say
Kaisi Saji Hai Karbal Ki Waadi
Poocha Hai Us Nay Main Jo Nahi Thi
Kaisi Rahi Hai Akbar Ki Shadi
Akbar Py Kaisa Roop Aya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Abbas Chacha Ki Takbeer Sun Kar
Maidan Sara Dehalta To Ho Ga
Bali Sakina Ki Ungli Pakarh Kar
Ab Mera Asghar Chalta To Ho Ga
Us Ka Bhi Kurta Bhijwaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Khanay Lagi Hai Dill Ko Udaasi
Mushkil Hua Hai Ab Mera Jeena
Bey Taab Rahen Khamosh Galiyan
Sunsaan Aangan Weeran Madina
Ek Hoo Ka Aalam Sa Chaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Daikha Hai Mainay Ek Khawab Jis Mein
Giriya Kunaan Hai Sari Fazayen
Daikha Hai Mainay Dariya Lahoo Ka
Bikhri Hui Hain Jis Mein Ridayen
Mera Kalaija Ghabraya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Sughra Ko Ab Main Likhnay Laga Hun
Akbar Say Milnay Ki Umeed Chorho
Ab Umr Bhar Hai Matam Hi Matam
Har Shaad Chorho Har Eid Chorho
Tum Py Ghamon Ka Ab Saaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai
Farhan Tum Py Lamha Ba Lamha
Akbar Ki Ujrhi Bahan Ka Karam Hai
Shaukat Kay Hathon Py Akbar Ky Dam Say
Har Waqt Maqtal Shanaasa Qalam Hai
Noha Usi Nay Likhwaya Hai
Utho Akbar Khat Aaya Hai
Utho Akbar Khat Aaya Hai Utho Akbar Khat Aaya Hai