Reciter: Nadeem Sarwar
Yeh Main Hun Main Meri Tanhai Yeh Tamashai
Lo Aai Giarah Muharram Hai Kya Khabar Laai
Chali Hai Janib E Zindaan Tumhari Maan Jai
Sawar Ham Ny Kiya Tha Tumhen Mery Bhai
Ab Aao Ya Mujhe Keh Do Na Intezaar Karo
Utho Hussain Behan Ko Zara Sawar Karo
Sawar Hum Ny Kiya Tha Tumhen Dam E Rukhsat
Lagaam Thami Thi Mainy Ba Haalat E Riqat
Kahan Gai Woh Muhabbat Kahan Gai Chahat
Amama Apna Mery Sar Py Sayabaan Karo
Utho Hussain Behan Ko Zara Sawar Karo
Watan Sy Door Hun Kuch Aur Door Jati Hun
Utho Utho Mery Bhaia Tumhen Jagati Hun
Koi Bhi Ata Nahi Main Jisy Bulati Hun
Qarrar E Jaan Mery Mujh Ko Na Bey Qaraar Karo
Utho Hussain Behan Ko Zara Sawar Karo
Safar Madiney Sy Kaisa Tha Yeh Safar Kya Hai
Na Mehmilen Na Haodaj Na Koi Parda Hai
Hai Sar Mein Khak Yeh Karbala Ka Sehra Hai
Na Jee Sakun Gi Tery Baad Aitebaar Karo
Utho Hussain Behan Ko Zara Sawar Karo
Ary Furaat Py Ay Sony Waly Jag Zara
Alam Ky Saye Mein Rukhsat Behan Ko Kar Bhaiya
Suna Hai Sakht Kathan Hai Yeh Shaam Ka Rasta
Sahal Yeh Raasta Abbas E Naamdaar Karo
Utho Hussain Behan Ko Zara Sawar Karo
Main Aun Gi Mery Bhaiya Zuroor Aun Gi
Kafan Urhaun Gi Marqad Tera Banaun Gi
Jahan Bhi Jaun Gi Farsh E Aza Bichaun Gi
Main Qaid Kaat Ky Laot Aun Intezaar Karo
Utho Hussain Bahan Ko Zara Sawaar Kro
Ragon Mein Khoon Badan Mein Jo Sans Jari Hai
Tumhari Sarwar O Rehan Zimmedari Hai
Jahan Jahan Mery Bhai Ki Pursa Daari Hai
Tum Apny Nohon Sy Duniya Ko Soagwaar Karo
Utho Hussain Behan Ko Zara Sawar Karo
Ab Aao Ya Mujhe Keh Do Na Intezar Karo
Utho Hussain Bahan Ko Zara Sawaar Karo