Ya Zainab Ya Abbas Lyrics Tejani Brothers Noha 2017

Ya Zainab Ya Abbas Lyrics written in Urdu and English text recited by Noha Khuwan Tejani Brothers in 2017. View and download Tejani Brothers Noha Lyrics similar to lyrics of Ya Zainab Ya Abbas on Khairilamal.

Ya Zainab Ya Abbas Lyrics by Tejani Brothers in English text

Kon Ati Hai Akeli Hai Andhera
Jis Ka Rakh Sy Hai Siya Hai Chehra
Jis Ky Sar Py Na Bacha Hai Koi Parda
Aagy Barh Rahi Hai Woh Jaanib E Dariya

Ya Zainab Ya Zainab

Kya Na Pehchana Mujh Ko Ay Mery Bhaiya
Khaimon Ky Dhuwen Sy Hai Munh Abdeeda
Dekho Ghaor Sy Main Hun Zainab Tumhari
Tanha Pehry Py Kharhi Hun Ly Ky Naiza

Ya Abbas Ya Abbas

Ay Khuda Na Nikalo Ankhon Sy Yeh Teer
Dekh Na Sakun Ga Main Teri Tasweer
Nangy Sar Kharhi Hai Waris E Tatheer
Marty Hain Adoo Un Ko Ly Ky Zanjeer

Ya Zainab Ya Zainab

Chahti Hun Keh Bataun Dukh Hamary
Par Yeh Darr Hai Keh Ruk Na Jayen Teri Sansen
Sirf Itna Bataun Gi Yeh Ghazi
Kash Bhai Mery Tum Mary Na Jaty

Ya Abbas Ya Abbas

Hai Sawal Lab Py Mery Ay Meri Behna
Kis Ky Seeny Py Ab Soye Gi Sakina
Kon Ho Ga Yeh Haram Ka Aasra
Kon Ho Ga Bibiyon Ka Zaamin E Parda

Ya Zainab Ya Zainab

Kis Tarha Sy Bataun Yeh Baradar
So Rahi Hai Khak Par Shah Ki Dukhtar
Aag Sy Jal Gaya Hai Us Ka Sara Tan
Shimr Sy Khainch Liye Kaanon Sy Gohar

Ya Abbas Ya Abbas

Mery Bazoo Na Kat’ty Gar Ay Dukhiya
Main Tujhy Shimr Ky Durron Sy Chupata
Apni Maan Ki Qasam Sheh Ko Main Bachata
Qafila Sham Mein Darbadar Na Phirta

Ya Zainab Ya Zainab

Sari Ummeed Thi Tery Bazo’on Par
Na Bacha Tu Na Rahy Qasim O Akbar
Ho Raha Tha Jab Payemaal Lash E Sarwar
Main Sada Dy Rahi Thi Tujh Ko Ro Ro Kar

Ya Abbas Ya Abbas

Main Yehi Dekh Ky Hun Bahot Sharminda
Aag Ki Boo Sy Bhari Hai Teri Aba
Zakhm Sy Surkh Hai Jo Badan Tumhara
Dekh Ky Hal Tera Hansty Hain Ahdaa

Ya Zainab Ya Zainab

Ay Tejani Thi Yehi Zainab Ki Fughan
Mery Ghazi Tery Bazo Py Hun Qurbaan
Reh Gaye Hain Haram Bey Sar O Samaan
Alwida Bhaiya Mery Jati Hun Zindaan

Leave a Reply

Your email address will not be published.