Reciter: Farhan Ali Waris

Faoj E Kirdegaar Mein Koi Nahi Bacha
Rukhsat Ko Aye Khaimy Mein Sheh Ny Shah E Karbala
Pahunchy Khayaame Zainab O Kulsoom Ky Qareeb
Awaz Di Behn Ko Aur Shabbir Ny Kaha

Zainab Fe Aman Allah Zainab Fe Aman Allah

Ab Akhri Fareeza E Khaliq Bhi Ho Ada
Main Marny Ja Raha Hun Tumhen Keh Ky Alwida
Lashkar Mein Koi Baqi Nahi Hai Mery Siwa
Zainab Fe Aman Allah Zainab Fe Aman Allah

Koi Sipahi Faoj E Khuda Ka Nahi Raha
Ab Mera Jaa Nasheen Hai Sajjad Bey Khata
Rehna Hai Us Ky Sath Tumhen Baad E Karbala
Zainab Fe Aman Allah Zainab Fe Aman Allah

Din Bhar Ko Mainy Lashon Py Lashy Uthaye Hain
Na Jany Kitny Zakhm Kalaijy Py Khaye Hain
Ab Akhri Salam Ko Khaimy Mein Aye Hain
Zainab Fe Aman Allah Zainab Fe Aman Allah

Zakhmon Ny Dard O Gham Mein Mujhy Kar Diya Nidhal
Main Qatal Hony Wala Hun Is Ka Nahi Malaal
Reh Reh Ky Bey Ridai Ka Ata Hai Ab Khayaal
Zainab Fe Aman Allah Zainab Fe Aman Allah

Rahna Khayal Meri Sakina Ka Ay Behan
Soye Gi Kaisy Khak Ky Bistar Py Pur Mahaal
Roye Gi Jab Bhi Yad Usy Aye Ga Watan
Zainab Fe Aman Allah Zainab Fe Aman Allah

Ghorhy Sy Aye Khak Py Sultan E Karbala
Tatheer Ro Rahi Thi Tarhapny Lagi Kisa
Jalti Zameen Py Sajda Kiya Aur Yeh Kaha
Zainab Fe Aman Allah Zainab Fe Aman Allah

Mazhar Ajeeb Waqt Tha Zehra Ky Laal Par
Manzar Yeh Dekhti Thi Behan Sar Ko Peet Kar
Yeh Keh Ky Sooye Khuld Kiya Shah Ny Safar
Zainab Fe Aman Allah Zainab Fe Aman Allah

Join Khairilamal on WhatsApp

WhatsApp

Leave a Reply