Reciter: Mir Hasan Mir
Haye
Jab Huye Bazo E Abbas Qalam Dariya Par
Gir Ky Thanda Hua Hazrat Ka Alam Dariya Par
Gharq E Khoon Ho Gya Woh Behr E Karam Dariya Par
Ghul Tha Zakhmi Hua Saqqa E Haram Dariya Par
Mashk Ko Danton Mein Pakrhy Huye Yun Lata Hai
Dahan E Shair Mein Jis Tarah Shikar Ata Hai
Al Gharaz Lasha E Abbas Py Aye Mola
Sar Ko Zano Py Rakha Aur Yeh Ro Ro Ky Kaha
Bhai To Aaj Hamen Keh Do Khudara Bhaiya
Nazaa Mein Bhai Ko Abbas Ny Bhai Bola
Akhri Sans Li Aur Dar E Fana Chorh Diya
Bhai Ny Bhai Ki Aghosh Mein Dam Torh Diya
Abbas Haye Abbas Abbas Haye Abbas
Abbas Haye Abbas Abbas Haye Abbas
Hazrat Sy Juda Ho Gaya Abbas Sa Bhai
Pardais Mein Looti Gai Haider Ki Kamai
Hazrat Sy Juda Ho Gaya Abbas Sa Bhai
Sheh Ny Yeh Kaha Lasha E Saqqa E Haram Sy
Baba Ki Tarha Tum Bhi Juda Ho Gaye Hum Sy
Do Bar Yateemi Meri Behnon Py Hai Aai
Hazrat Sy Juda Ho Gaya Abbas Sa Bhai
Mazloom Sy Maqtal Mein Chala Hi Nahi Jata
Jab Khak Py Girty Hain Utha Bhi Nahi Jata
Ghazi Ki Shahadat Ny Kamar Aisi Jhukai
Hazrat Sy Juda Ho Gaya Abbas Sa Bhai
Bachi Ny Kaha Shah Sy Farz Apna Nibhaun
Nazdeek Agar Hai Koi Basti Ko Main Jaun
Ammu Ka Kafan Laye Gi Ammu Ki Fidai
Hazrat Sy Juda Ho Gaya Abbas Sa Bhai
Abbas Ky Bachon Sy Main Sharminda Rahun Ga
Maqtal Sy Utha Laya Hun Har Aik Ka Lasha
Afsos Keh Abbas Ki Mayyat Na Uthai
Hazrat Sy Juda Ho Gaya Abbas Sa Bhai
Khat Khak Py Dety Thy Qadam Zeen Sy Jis Ky
Maidan Mein Us Shair Ky Itny Huye Tukrhy
Sajjad Ny Chadar Mein Woh Mayyat Hai Uthai
Hazrat Sy Juda Ho Gaya Abbas Sa Bhai
Dariya Bhi Tarhapny Laga Yeh Dekh Ky Manzar
Yad Any Laga Seena E Ham Shakal E Payambar
Jab Mashk Katy Hath Sy Mola Ny Churhai
Hazrat Sy Juda Ho Gaya Abbas Sa Bhai
Sadiyon Sy Hai Tari Yeh Fiza Ranj O Alam Ki
Yeh Chand Jo Ojhal Hua Nazron Sy Haram Ki
Phir Sani E Zahra Ny Kahan Eid Manai
Hazrat Sy Juda Ho Gaya Abbas Sa Bhai
Ammu Ki Judai Py Bahut Roye Hain Baba
Samjhati Hai Ro Ro Ky Yeh Bachon Ko Sakina
Ab Dena Nahi Koi Bhi Pani Ki Duhaai
Hazrat Sy Juda Ho Gaya Abbas Sa Bhai
Har Matmi Seeny Mein Bapa Ho Ga Talatum
Is Saal Tera Jana To Mushkil Hai Takallum
Nohay Ki Magar Karbobala Tak Hai Rasai
Hazrat Sy Juda Ho Gaya Abbas Sa Bhai