Reciter: Farhan Ali Waris

Haye Zainab Haye Zainab Haye Zainab

Bigri Hai Taqdeer Zainab Lut Gai Baba

Mary Gaye Shabbir Zainab Lut Gai Baba

Baba Ghar Mera Yun Ujrha
Baqi Koi Nahi Ab Mera
Ummat Ny Cheeni Hai Ridayen
Rota Hai Is Gham Mein Dariya
Gham Ki Bani Tasweer Zainab Lut Gai Baba

Bigri Hai Taqdeer Zainab Lut Gai Baba

Ek Din Mein So Zakhm Hain Khaye
Kitny Gham Is Dill Py Uthaye
Is Bey Deenon Ny Ay Baba
Zar Loota Aur Khaimy Jalaye
Rony Lagi Tatheer Zainab Lut Gai Baba

Bigri Hai Taqdeer Zainab Lut Gai Baba

Sath Mery Ab Hai Tanhai
Ro Ro Kar Deti Hun Duhai
Mary Gaye Sab Is Jangal Mein
Seh Gai Dill Par Sab Ki Judai
Dill Py Chali Shamsheer Zainab Lut Gai Baba

Bigri Hai Taqdeer Zainab Lut Gai Baba

Kis Tarha Roodad Sunaun
Zakhm Jigar Ky Kaisy Dikhaun
Kya Beeti Zainab Ky Dill Par
Baba Tum Ko Kaisy Bataun
Kitni Hai Dilgeer Zainab Lut Gai Baba

Bigri Hai Taqdeer Zainab Lut Gai Baba

Dekhy Hain Tukrhy Qasim Ky
Dill Bhi Tukrhy Hua Is Gham Sy
Mainy In Ankhon Sy Dekhy
Akbar Aur Ghazi Ky Lashy
Dard Bany Taqdeer Zainab Lut Gai Baba

Bigri Hai Taqdeer Zainab Lut Gai Baba

Ummat Ny Yeh Ajar Diya Hai
Ghar Mera Weeran Kiya Hai
Khaibar Ka Badla Ay Baba
Karbala Mein Ummat Ny Liya Hai
Ashk Hain Ab Jageer Zainab Lut Gai Baba

Bigri Hai Taqdeer Zainab Lut Gai Baba

Chalty Hain Is Dill Par Khanjar
Jab Na Rahy Abbas Aur Akbar
Aahda Ny Khaimon Ko Jalaya
Ahl E Haram Ki Ly Gaye Chadar
Hansty Rahy Bey Teer Zainab Lut Gai Baba

Bigri Hai Taqdeer Zainab Lut Gai Baba

Mazhar Yeh Noha Hai Qayamat
Ya Hai Azhan E Gham Ki Aqamat
Sun Kar Zainab Ki Faryaden
Kanp Uthi Us Waqt Imamat
Bey Jurm O Taqseer Zainab Lut Gai Baba

Bigri Hai Taqdeer Zainab Lut Gai Baba

Join Khairilamal on WhatsApp

WhatsApp

Leave a Reply