Reciter: Tejani Brothers
Maula Hussain…
Ya Hussain
Har Aza Khane Main Hai Matam Bapa Shabbir Ka
Hai Zameen Sy Aasman Tak Tazkira Shabbir Ka
Har Aza Khane Main Hai Matam Bapa Shabbir Ka
Asr E Ashoora Jab Aai Reh Gaye Tanha Hussain
Ek Behan Di Sath Main Sar Par Khuda Shabbir Ka
Har Aza Khane Main Hai Matam Bapa Shabbir Ka
Hurr Chala Jata Tha Dozakh Ki Taraf Dorha Hua
Phir Achanak Mil Gaya Tha Rasta Shabbir Ka
Har Aza Khanay Mein Hai Matam Bapa Shabbir Ka
Bujh Gaya Sooraj Yazeedi Faoj Ka Ek Roz Mein
Jal Raha Hai Aaj Tak Lekin Diya Shabbir Ka
Har Aza Khane Main Hai Matam Bapa Shabbir Ka
Koi Roye Ya Na Roye Us Ki Yeh Taqdeer Hai
Khud Muhammad Parh Rahe Hain Marsiya Shabbir Ka
Har Aza Khane Main Hai Matam Bapa Shabbir Ka
Yeh Falak Tu Hi Bataye Zair E Khanjar Kon Hai
Yeh Muhammad Ka Gala Hai Ya Gala Shabbir Ka
Har Aza Khane Main Hai Matam Bapa Shabbir Ka
Teen Din Ki Pyas Mein Lashay Uthaye Kis Qadar
Sabr Dekho Zabt Dekho Hosla Shabbir Ka
Har Aza Khane Main Hai Matam Bapa Shabbir Ka
Tu Bata Sham E Ghareeban Badshah E Karbala
Khana E Kaaba Jala Ya Ghar Jala Shabbir Ka
Har Aza Khane Main Hai Matam Bapa Shabbir Ka
Khaof Kya Rehan Us Ko Hashr Ky Hangaam Sy
Jis Ko Bachpan Sy Raha Ho Aasra Shabbir Ka
Har Aza Khane Main Hai Matam Bapa Shabbir Ka