Reciter: Farhan Ali Waris

Haye Zindan Haye Sakina

Hay Masoom Sakina Ro Kar Qaid Mn Hi Na Mar Jaye

Qaid E Sitam Mein Hai Tanha
Ro Ro Kay Karti Hai Buka
Mujh Ko Bachany Aao Chacha

Haye Masoom Sakina Ro Kar Qaid Mn Hi Na Mar Jaye

Aisi Andheri Qaid Hai Yeh
Maot Jahan Par Ghabraye
Yeh Sinn Aur Yeh Zulm O Sitam
Aik Hai Dill Aur Lakhon Gham
Sans Hui Jati Hai Kam
Qadmon Ki Awaz Suny To Chonk Uthy Aur Dar Jaye

Haye Masoom Sakina Ro Kar Qaid Mn Hi Na Mar Jaye

Khak Py Bistar Par Mujh Ko
Kaisy Bhala Ab Neend Aye
Bap Ka Seena Ab To Nahi
Ab To Bichona Hai Yeh Zameen
Ro Ro Ky Kehti Hai Hazeen
Jany Kab Woh Din Aye Ga
Chain Sy Sony Ghar Jaye

Haye Masoom Sakina Ro Kar Qaid Mn Hi Na Mar Jaye

Kan Bhi Zakhmi Aur Dill Bhi
Us Py Aziyat Aur Yeh Gham
Khaof Ka Manzar Hai Har Soo
Kanon Sy Behta Hai Lahoo
Ashkon Sy Karti Hai Wuzuu
Zindan Ky Dar Par Kehti Hai
Koi Mujhy Ly Kar Jaye

Haye Masoom Sakina Ro Kar Qaid Mn Hi Na Mar Jaye

Karti Hai Bas Faryad Yehi
Maot Mujhy Aa Jaye Khuda
Sadmon Sy Phat’ta Hai Jigar
Kon Suny Faryad Magar
Hijar E Padar Mein Sham O Sahar
Ashkon Ki Barsat Mery Daman Ko Kar Ky Tar Jaye

Haye Masoom Sakina Ro Kar Qaid Mn Hi Na Mar Jaye

Ro Ky Sitamafgaaron Sy
Kehti Hai Woh Dukhiari
Zulm Huye Hain Hadd Sy Siwa
Zabt Ka Ab Yara Na Raha
Aisa Na Ho Aa Jaye Qaza
Mujh Ko Riha Kar Dena Sitam Sy
Dill Jo Tumhara Bhar Jaye

Haye Masoom Sakina Ro Kar Qaid Mn Hi Na Mar Jaye

Is Sy Siwa Kya Aur Sitam
Dhayen Gy Yeh Ahl E Sitam
Chain Mera Barbad Na Kar
Pehra Laga Hai Rony Par
Kehta Yehi Tha Bani E Shar
Is Tarha Faryad Karo
Awaz Na Ab Bahar Jaye

Haye Masoom Sakina Ro Kar Qaid Mn Hi Na Mar Jaye

Main Bin Bap Ky Woh Bachi
Is Tarha Sy Roti Thi
Har Ik Lafz Hua Nishtar
Ahl E Haram Hain Noha Gar
Kehti Hain Zainab Ro Ro Kar
Tukry Tukry Kar Ky Kalaija
Jaisy Koi Khanjar Jaye

Haye Masoom Sakina Ro Kar Qaid Mn Hi Na Mar Jaye

Meri Dua Hai Yeh Mazhar
Sun Ly Agar Rab E Akbar
Sans Wafa Karti Hi Rahy
Dill Mein Yehi Ek Dard Basy
Ro Ky Dua Farhan Kary
Noha Sunaye Bali Sakina Ka
Jab Rozy Par Jaye

Haye Masoom Sakina Ro Kar Qaid Mn Hi Na Mar Jaye

Join Khairilamal on WhatsApp

WhatsApp

Leave a Reply