Reciter: Farhan Ali Waris

Assalam Assalam Assalam Assalam

Assalam Ghazi Meray Assalam

Jan O Dill Qurban Tujh Par Jan E Haider Assalam
Bazo E Sibt E Payambar Jan E Haider Assalam

Jan O Dill Qurban Tujh Par Jan E Haider Assalam

Dast E Haider Aks E Haider Marzi E Shabbir Hai
Qalb E Zehra Ki Dua Hai Azm E Khaibar Geer Hai
Hai Akela Misl E Lashkar Jan E Haider Assalam

Jan O Dill Qurban Tujh Par Jan E Haider Assalam

Teray Bazu Zulfiqar E Haideri Say Kam Nahi
Ghaiz Mein Aye To Zarb E Haideri Say Kam Nahi
Sani E Zehra Ki Chadar Jan E Haider Assalam

Jan O Dill Qurban Tujh Par Jan E Haider Assalam

Tera Parcham Parcham E Islam Ban Kar Reh Gaya
Tera Bazu Bazu E Emaan Ban Kar Reh Gaya
Ibn E Maula E Abuzar Jan E Haider Assalam

Jan O Dill Qurban Tujh Par Jan E Haider Assalam

Tera Chehra Teri Ankhen Teray Labb Seena Tera
Hoo Bahoo Mushkil Kusha Ky Rang Mein Aisa Dhala
Haideri Hain Teray Taiwar Jan E Haider Assalam

Jan O Dill Qurban Tujh Par Jan E Haider Assalam

Teri Haibat Teri Jurrat Aur Yeh Tera Alam
Koi Kha Sakta Nahi Ab Bhi Teri Jhooti Qasam
Ay Bahadur Aur Safdar Jan E Haider Assalam

Jan O Dill Qurban Tujh Par Jan E Haider Assalam

Hai Dua E Zainabi Say Tu Alamdar E Wafa
Apna Beta Manti Hain Khud Janab E Sayeda
Waah Ray Tera Muqaddar Jan E Haider Assalam

Jan O Dill Qurban Tujh Par Jan E Haider Assalam

Hashr Tak Dariya Py Qabza Karbala Jageer Hai
Tu Hussaini Azm Ky Quran Ki Tafseer Hai
Tera Dushman Ho Ga Abtar Jan E Haider Assalam

Jan O Dill Qurban Tujh Par Jan E Haider Assalam

Ho Gaye Bazu Qalam Jab Mashk Zakhmi Ho Gai
Janib E Khaima Teri Janay Ki Himmat Ho Gai
Haye Abbas E Dilawar Jan E Haider Assalam

Jan O Dill Qurban Tujh Par Jan E Haider Assalam

Noha Garr Abbas Ka Rehan Jo Bhi Ho Gaya
Khaof Us Ko Hashr Tak Farhan Phir Kis Ka Raha
Shak Nahi Zarra Barabar Jan E Haider Assalam

Jan O Dill Qurban Tujh Par Jan E Haider Assalam

Bazu E Sibt E Payambar Jan E Haider Assalam

Jan O Dill Qurban Tujh Par Jan E Haider Assalam

Join Khairilamal on WhatsApp

WhatsApp

Leave a Reply