Reciter: Syed Raza Abbas Zaidi
Han Han
Giray Zameen Pay Maqtal Mein Jab Ali Akbar
Tarhap Kay Khaimay Say Niklay Hussain Thamay Kamar
Chalun Main Sath Pukari Jo Zainab E Muztar
Behan Ko Daikh Kay Bhai Nay Yeh Kaha Ro Kar
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Laeen Seeney Mein Jab Say Sinaan Ko Torha Hai
Mera Ghareeb Pisar Dard Say Tarhapta Hai
Ragarh Raha Hai Woh Madian Mein Aerhian Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Woh Jis Ko Naazon Say Atthaara Saal Pala Hai
Meri Hi Goud Mein Woh Lal Marnay Wala Hai
Main Jab Uthaun Ga Woh Lasha E Jawan Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Woh Tum Ko Daikh Ky Roye Ga Khud Ko Samjhao
Hai Us Ki Akhri Sansen Na Samnay Jao
Bahut Rulayen Gi Akbar Ki Hichkiyan Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Meri Taraf Bhi To Daikho Main Us Ka Baba Hun
Nazar Bhi Kam Hai Kamar Kham Hai Aur Pyasa Hun
Girun Ga Raah Mein Janay Kahan Kahan Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Dua Karo Keh Yeh Mushkil Ka Waqt Tal Jaye
Sukoon Say Meray Betay Ka Dam Nikal Jaye
Na Sun Sakun Ga Main Akbar Ki Siskiyan Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Woh Bar Bar Madinay Ki Simt Daikhta Hai
Sadayen Deta Hai Sughra Ko Aur Rota Hai
Behan Ki Yaad Mein Uljhi Hai Us Ki Jaan Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab
Chalay Hussain Yeh Zeeshan Aur Raza Keh Kar
Sinaan Kay Sath Kalaija Bhi Aaye Ga Bahar
Hai Baap Betay Ki Ghurbat Ka Imtehan Zainab
Na Daikh Pao Gi Tum Bhi Ho Us Ki Maan Zainab
Jawan Bete Ke Seene Main Hai Sinaan Zainab
Na Daikh Pao Gi Tum Bhi Ho Us Ki Maan Zainab