Reciter: Farhan Ali Waris
Main Kese Dungi Yateemo Ko Hosla Baba
Bujha Rahi Hai Diye Sham Ki Hawa Baba
Main Kese Dungi Yateemo Ko Hosla Baba
Tumhara Samna Kaisay Karay Haya Meri
Udoo Nay Cheen Li Baba Abhi Rida Meri
Hamari Mushkilen Tum Hi Karo Kusha Baba
Main Kese Dungi Yateemon Ko Hosla Baba
Jaltay Khaimon Ka Dhuwan Daikh Rahay Ho Baba
Ashk Ankhon Say Rawan Daikh Rahay Ho Baba
Guzar Gaya Meray Kunbay Pay Saaniha Baba
Main Kese Dun Gi Yateemon Ko Hosla Baba
Tamam Din Woh Manazar Nazar Nay Daikhay Hain
Woh Daikho Ganj E Shaheedan Mein Kitnay Lashay Hain
Utha Ky Lashen Mera Bhai Thak Gaya Baba
Main Kaisay Dun Gi Yateemon Ko Hosla Baba
Meray Ghareeb Ko Lakhon Nay Mill Ky Mara Hai
Har Aik Zakhm Py Us Nay Tumhen Pukara Hai
Baghair Dhaar Ka Khanjar Tha Aur Gala Baba
Main Kaisay Dun Gi Yateemon Ko Hosla Baba
Main Hath Malti Rahi Sheh Py Chal Gaya Khanjar
Hai Meray Bhai Ka Lasha Bhi Jalti Raiti Par
Kafan Bhi Bhai Ko Meray Nahi Mila Baba
Main Kaisay Dun Gi Yateemon Ko Hosla Baba
Azaan Jo Di Ali Akbar Nay Parh Ky Bismillah
Tarhap Tarhap Ky Main Roi Hun Subh E Ashoora
Main Janti Thi Bicharhta Hai Meh Laqa Baba
Main Kese Dungi Yateemo Ko Hosla Baba
Janaza Amman Ka Shab Mein Uthaya Tha Tum Nay
Main Roi Thi To Galay Say Lagaya Tha Tum Nay
Tumhari Beti Hai Maqtal Mein Bey Rida Baba
Main Kese Dungi Yateemo Ko Hosla Baba
Suna Hai Sham E Ghareeban Mein Jab Ali Aaye
Urha Ky Khak Woh Farhan Kartay Thay Haye
Rehan Azmi Har Soo Thi Ek Sada Baba
Main Kese Dungi Yateemo Ko Hosla Baba
Bhuja Rahi Hai Diye Sham Ki Hawa Baba
Main Kese Dungi Yateemon Ko Hosla Baba