Reciter: Joan Rizvi

Haye

Khanjar Taly Hussain Ny Sajda Kiya Tamam
Laashon Ko Rondny Lagy Badbakht Ahl E Sham

Aaye Laeen Lootny Sadat Ky Khayaam
Ghabra Ky Ro Rahi Thi Wahan Dukhtar E Imam

Har Soo Nigah Karti Thi Khaof O Hiraas Sy
Bachi Ka Dam Nikalta Tha Shidat Ki Pyas Sy

Aa Kar Ruki Jo Dasht Mein Manzar Alag Mila
Asghar Sy Door Lasha E Akbar Alag Mila

Dariya Kinaray Waris E Chahdar Alag Mila
Lekin Har Aik Lash Sy Tha Sar Alag Mila

Ankhon Mein Soch Kar Yeh Andhera Sa Chaa Gaya
Baba Ki Laash Maqtal E Khoon Khuaar Kha Gaya

Na Gaah Aik Laash Sar E Dasht Phir Mili
Seeney Sy Lag Ky Janib E Sar Jab Nazar Gai

Aaho O Buka Labon Py Thi Yak Dam Hi Chup Hui
Phir Torh Kar Sakoot Sakina Tarhap Gai

Ary Boli Khudaya Khair Yeh Lashe Pidar Nahi
Lashy Ky Sath To Mery Baba Ka Sar Nahi

Haye Baba

Thi Labb Kusha Sakina Jo Lashy Py Aan Kar
Aai Tan E Bureeda Sy Awaz E Noha Gar

Seeny Py Apny Tum Ko Sulata Main Aaj Par
Ary Pamal Ho Gaya Hai Badan Kya Kary Pidar

Main Khoon E Mustafa Hun Shah E Mashraqain Hun
Ary Pehchan Beti Main Tera Baba Hussain Hun

Ro Kar Pukari Dukhtar E Shabbir Al Aman
Ay Baba Jan Kiun Ho Yahan Khoon Mein Nihaan

Haye Ghazab Keh Jism Py Zakhmon Ky Hain Nishan
Baba Badan To Khak Ta Paa Par Hai Sar Kahan

Sheh Boly Dill Dukhy Na Agar Noor E Ain Ka
Woh Shimr Bad Ky Hath Mein Sar Hai Hussain Ka

Ary Kehti Thi Kis Shaqi Ny Kiya Zulm Yeh Rawa
Sun Kar Yeh Bat Kehny Lagy Shah E Karbala

Sar Mera Jis Laeen Ny Juda Kheench Kar Kiya
Kheenchy Ga Wohi Zulm Sy Gohar Bhi Meh Laqa

Naizy Kahin Sy Door Sy Teer Aa Ky Lagty Thy
Zeen Sy Utar Gaya Tha To Pathar Barasty Thy

Beti Ka Apny Baap Sy Yun Torhny Sukhan
Aaya Laeen Qareeb Liye Hath Mein Rasan

Aisa Tamancha Maara Ugalta Tha Khoon Dahan
Lekin Sakina Sy Na Chuta Sheh Ka Pairahan

Aati Thi Yeh Sada Badan E Pash Pash Sy
Amaan Hatao Aa Ky Sakina Ko Laash Sy

Qasim Sipaah E Sham Thi Maqtal Mein Char Soo
Roti Rahi Hai Joan Muhammad Ki Abroo

Laash E Pidar Py Kaan Sy Girta Raha Lahoo
Kya Ab Karun Sakina Ki Ghurbat Py Guftagoo

Baba Ki Laash Par Yun Dilasa Diya Gaya
Rukh Par Tamanchy Maar Ky Pursa Diya Gaya

Join Khairilamal on WhatsApp

WhatsApp

Leave a Reply