Reciter: Joan Rizvi

Ashiq E Hussain Ashiq E Hussain
Nasir E Hussain Nasir E Hussain
Ashiq E Hussain Nasir E Hussain
Ghulam E Hussain Ay Zuhair Ibn E Qain

Salam Salam Salam Ay Zuhair Ibn E Qain

Ay Qain K Betay Ay Zuhair E Saff E Awwal
Han Aaj Bhi Zinda Hai Zamanay Mein Tera Kal
Rahwar Ko Talwar Ko Bas Keh Dy Agar Chal
To Apnay Hareefon Mein Macha Deta Hai Halchal
Ay Maaz E Shajaat Yeh Zor Yeh Taqat
Tu Ran Mein Utar Aye To Dushman Py Ho Haibat

Salam Salam Salam Ay Zuhair Ibn E Qain

Ab Aur Bayan Kon Karay Teri Barhai
Abbas Ky Bhai Ny Kaha Hai Tujhay Bhai
Tujh Par Ho Salam Ay Shah E Wala Ky Fidai
Ghar Chorh Diya Tu Nay Wafa Aisi Nibhai
Islam Ki Khatir Tu Ban Gaya Nasir
Shabbir Sy Tu Kehta Raha Mola Main Hazir

Salam Salam Salam Ay Zuhair Ibn E Qain

Bolay Shab E Ashoor Diya Shah Bujha Kay
Jo Chahay Chala Jaye Abhi Jan Bacha Kay
Us Waqt Kaha Tu Nay Yeh Shabbir Say Aa Kay
Jeena Hai Mujhay Aap Py Sar Apna Kataa Kay
Teri Yeh Tajalli Sarwar Ki Tasalli
Mehdi Ny Tujhay Keh Ky Pukara Hai Tajalli

Salam Salam Salam Ay Zuhair Ibn E Qain

Yeh Rutba Saeeda Aur Tery Hissay Mein Aya
Han Waqt E Namaz Aya To Yeh Farz Nibhaya
Jab Teer Chalay Apna Badan Dhaal Banaya
Khud Zakhm Sahay Dilbar E Zahra Ko Bachaya
Zahra Huiin Razi Ay Ghazi Ky Ghazi
Seenay Say Laga Kay Tujhay Kehtay Thy Namazi

Salam Salam Salam Ay Zuhair Ibn E Qain

Jab Orh Liya Ishq E Wilayat Ka Libada
Ankhon Mein Nazar Anay Laga Teri Irada
Yeh Fikr Thi Bas Zinda Rahay Fatima Zaada
Dushman Ky Galay Kaat Diye So Say Zyada
Jo Samnay Aya Woh Bach Nahi Paya
Tu Nay Hi Sitam Gaaron Sy Khaimon Ko Bachaya

Salam Salam Salam Ay Zuhair Ibn E Qain

Ashiq E Hussain Ashiq E Hussain
Nasir E Hussain Nasir E Hussain
Ashiq E Hussain Nasir E Hussain
Ghulam E Hussain Ay Zuhair Ibn E Qain

Ay Azadaro Suno Karbobala Ka Manzar
Ran Mein Jis Waqt Zuhair Aye Mujaahid Ban Kar

Dabdaba Dekh Ky Maqtal Mein Yehi Shor Utha
Qain Ka Beta Zuhair Aya Bahadur Aya

Woh Rajaz Tu Ny Parhi Khaof Fiza Mein Chaya
Ghaiz Mein Lashkar E Batil Ko Yehi Batlaya

Tum Kisay Marnay Aye Ho Khuda Sy To Daro
Woh Muhammad Ka Nawasa Hai Zara Khaof Karo

Mujh Ko Maloom Hai Shabbir Ki Nusrat Ka Sila
Hajj Sy Atay Huye Main Raah Mein Jab Un Sy Mila

Un Ko Dekha To Mujhy Yaad Muhammad Aye
Mera Dill Kya Hai Meri Jaan Fida Ho Jaye

Phir Fighan K Liye Jab Khud Ko Utara Ran Mein
Maot Tharranay Lagi Kitnon Ko Mara Ran Mein

Ran Mein Ek Shor Tha Allah Ray Aisa Hamla
Hoobahoo Lagnay Laga Shair Ky Jaisa Hamla

Hukm Aya Keh Isy Charon Taraf Sy Ghairo
Isy Tanha Na Larha Jaye Ga Mil Kar Maro

Ik Taraf Hamlay Ko Tyar Kaseer E Shaibi
Ik Taraf Awais Ka Beta Tha Muhajir Nami

Mil Ky Dono Ny Jo Talwar Sy Mara Haye
Ran Mein Ghorhy Sy Bin E Qain Zameen Par Aye

Al Gharaz Khuld Chalay Ran Mein Shahadat Paa Kay
Jaon O Zeeshan Ny Kaha Shah Ny Yehi Pas Aa Kay

Ay Bahadur Ay Shuja’at Ky Parastar Salam
Dekh Karty Hain Tujhy Haider E Karrar Salam

Salam Salam Salam Salam

Salam Salam Salam Ay Zuhair Ibn E Qain

Join Khairilamal on WhatsApp

WhatsApp

Leave a Reply