Reciter: Farhan Ali Waris

Haye
Reh Gai Dasht Mein Tanha To Watan Yad Aya
Pani Paya To Har Ek Tishna Dahan Yad Aya
Ley Ky Har Chez Madinay Say Chali Thi Zainab
Bhai Ki Lash Pay Pahunchi To Kafan Yad Aya

Tu Bay Kafan Hai Hussain Behan Bey Rida Hai

Aai Thi Madinay Say Lay Kar Main Apna Bhara Ghar Bhai
Logon Nay Mera Ghar Loot Liya Bas Pas Rahi Tanhai
Yahan Tashna Lab Tu Raha Hai Bahan Bey Rida Hai

Tu Bay Kafan Hai Hussain Behan Bey Rida Hai

Pani Say Tujhay Mehroom Rakha Aur Mujh Ko Teray Matam Say
Tukrhay Hai Kalaija Zainab Ka Ay Bhai Faqat Is Gham Say
Sinaan Par Tera Sar Rakha Hai Behan Bey Rida Hai

Tu Bey Kafan Hai Hussain Behan Bey Rida Hai

Tu Meray Liye Faryad Karay Main Tery Liye Ay Bhai
Mazloom Musafir Teri Behan Baghi Ki Behan Kehlai
Yeh Gham Is Sitam Say Barha Hai Behan Bey Rida Hai

Tu Bay Kafan Hai Hussain Behan Bay Rida Hai

Lashay Say Teray Aati Hai Sada Sunti Hai Behan Maan Jaye
Ay Kash Koi Tadbeer Banay Aur Zainab Shaam Na Jaye
Aseer E Rasan Qafila Hai Behan Bey Rida Hai

Tu Bay Kafan Hai Hussain Behan Bay Rida Hai

Main Qaidi Bani Aur Sham Chali Mehmil Na Amaari Aai
Zainab K Liye Hai Sab Say Barha Gham Tujh Say Bicharna Bhai
Tujhay Yehi Gham Kha Gaya Hai Behan Bey Rida Hai

Tu Bay Kafan Hai Hussain Behan Bay Rida Hai

Amman Ki Sada Yeh Aati Hai Kiun Loot Liya Pyasay Ko
Sar Tera Badan Say Kaat Liya Pamal Kiya Lashay Ko
Qateel E Jafa Tu Hua Hai Behan Bey Rida Hai

Tu Bay Kafan Hai Hussain Behan Bay Rida Hai

Hain Sakina Kay Zakhmi Abid Ka Muqaddar Bairhi
Naizon Py Shaheedon Ky Sar Hain Sadaat Banay Hain Qaidi
Abhi Shaam Ka Marhala Hai Behan Bey Rida Hai

Tu Bay Kafan Hai Hussain Behan Bay Rida Hai

Ghar Tera Qareeb E Asar Luta Main Shaam E Alam Mein Ujrhi
Khoon Tera Baha Bey Jurm O Khata Hamsheer Is Gham Mein Ujrhi
Teray Khoon Say Yeh Wafa Hai Behan Bey Rida Hai

Tu Bay Kafan Hai Hussain Behan Bay Rida Hai

Ta Umar Parhen Gay Yeh Noha Farhan Aur Mazhar Ro Kar
Zainab Ky Baradar Kay Marqad Par Hum Nay Suna Hai Aksar
Shah E Deen Ka Yeh Marsiya Hai Behan Bey Rida Hai

Tu Bay Kafan Hai Hussain Behan Bay Rida Hai

Join Khairilamal on WhatsApp

WhatsApp

Leave a Reply