Reciter: Farhan Ali Waris
Dukhtar E Barq E Ranj O Mahan Ban Ky Tan
Aaj Maidan Mein Dushman Ky Sar Khol Ky Day
Maisara Say Ubhar Maimana Mein Utar
Aab E Dajla Mein Sab Ky Kafan Ghol Day
Dekh Susti Na Kar Maot Ki Humsafar
Aaj Har Samt Naron Ki Barsaat Hai
Meri Himmat Py Aur Teray Har Waar Par
Daad Khaibar Shikan Dain To Phir Baat Hai
Sun Kisi Ki Na Sun Aik Hi Dhun Ko Gunn
Aaj Chun Chun Ky Maghroor Sar Kaat Day
Sarsaraati Hui Sab Saron Say Guzar
Waar Seenay Pay Kar Aur Jigar Kaat Day
Aaj Jibreel Bhi Par Bichayen Agar
Tu Riaayat Na Kar Us Ky Par Kaat Day
Tu Hai Taigh E Haideri Main Waris E Khaibar Shikan
Is Tarah Say Waar Kar Kisi Badan Pay Sar Na Ho
Tann Say Sar Juda Ho Aur Tan Ko Hi Khabar Na Ho
Yeh Rajaz Bhi Suna Do Zabaan Khol Kar
Apnay Taiwar Dikha Ya Ali Bol Kar
Tu Hai Taigh E Haideri Haideri Haideri
Main Waris E Khaibar Shikan
Munkiraan E Murtaza Say Aaj Tu Bhi Thaan Lay
Teray Ikhtiar Ko Zamana Aaj Jaan Lay
Dushmanon Ki Ajal Ban Kay Maidan Mein Chal
Parh Ky Naad E Ali Rukh Hawa Ka Badal
Tu Hai Taigh E Haideri Haideri Haideri
Main Waris E Khaibar Shikan
Apnay Faislay Suna Hasab Nasab Khangaal Kar
Quwat E Ali Ka Har Qadam Pay Istemal Kar
Seekh Lay Yeh Chalan Apnay Sardar Say
Haar Jaye Ajal Teri Raftaar Say
Tu Hai Taigh E Haideri Haideri Haideri
Main Waris E Khaibar Shikan
Tera Waar Sirf Us Shaki Ky Halq Par Chalay
Jis Ki Saat Pusht Mein Koi Mohib Nahi Milay
Goonj Uthay Char Soo Al Amaan Ki Sada
Taa Abad Yaad Rakhen Yeh Ahl E Jafa
Tu Hai Taigh E Haideri Haideri Haideri
Main Waris E Khaibar Shikan
Kaanp Uthen Zameen O Aasman Tery Ataab Say
Tujh Ko Mujh Ko Daad Leni Hai Abu Turab Say
Yad Rakhay Jahan Apna Jaah O Hasham
Aik Tareekh Kar Den Raqam Aaj Hum
Tu Hai Taigh E Haideri Haideri Haideri
Main Waris E Khaibar Shikan
Mazhar Abidi Likhay Qaseeday Teri Shaan Mein
Tera Zikr Bhi Chalay Wafa Ki Dastaan Mein
Yeh Qalam Jab Uthay To Karam Sath Ho
Labb Py Farhan Kay Bas Yehi Baat Ho
Tu Hai Taigh E Haideri Haideri Haideri
Main Waris E Khaibar Shikan