Reciter: Nadeem Sarwar
Darwaza E Khaima Pay Liye Hath Mein Kooza
Abbas Ka Shabbir Ka Woh Takti Thi Rasta
Behlati Thi Dill Apna Woh Dy Dy Ky Dilasa
Ab Sham Hui Pani Liye Aayen Gay Chacha
Phir Khud Hi Woh Kehnay Lagi Ghabra Ky Phuphi Say
Dariya Say Abhi Tak Meray Baba Nahi Paltay
Gehray Huye Ashoor Ko Jab Sham Kay Saye
Kehti Thi Sakina Koi Yeh Mujh Ko Bataye
Kiun Ay Phuphi Amman Meray Baba Nahi Aye
Baba Nahi Aye
Din Doob Gaya Wa Hussaina
Pani Na Mila Wa Hussaina
Sookha Hai Gala Wa Hussaina
Sun Kar Yeh Sakina Ka Bayan Sani E Zehra
Kehnay Lagiin Dariya Pay Bahut Sakht Hai Pehra
Pani Abhi Layen Gay Meri Jan Teray Baba
Mashkeeza Liye Wa Hussaina
Dariya Say Chalay Wa Hussaina
Woh Teray Liye Wa Hussaina
Phir Kehnay Lagi Ro Ky Sakina Phuphi Jao
Baba Nahi Atay To Chacha Jan Ko Bulao
Bhaiya Ali Akbar Hai Kahan Kuch To Batao
Lagta Hai Mujhay Wa Hussaina
Sab Rooth Gaye Wa Hussaina
Ronay Say Meray Wa Hussaina
Keh Do Keh Main Ab Pyas Ka Shikwa Na Karun Gi
Seenay Py Bhi Sonay Kay Liye Zidd Na Karun Gi
Pani Nahi Milta Na Sahi Ashk Piyun Gi
Sun Lo Yeh Sada Wa Hussaina
Laot Ao Chacha Wa Hussaina
Tum Behr E Khuda Wa Hussaina
Kiun Khali Parha Hai Ali Asghar Ka Yeh Jhoola
Hujray Mein Nazar Ata Nahi Qasim E Noshad
Kiun Khoon Mein Dooba Hai Alam Meray Chacha Ka
Dam Ghutnay Laga Wa Hussaina
Seenay Mein Mera Wa Hussain
Do Mujh Ko Sada Wa Hussaina
Chadar Yeh Lahoo Rang Tumhari Hui Kaisay
Kya Gham Hai Keh Ankhon Mein Nazar Aty Hain Halqay
Mainay To Tumhen Daikha Nahi Is Tarah Rotay
Kya Gham Hai Tumhen Wa Hussaina
Aray Batlao Tumhen Wa Hussaina
Aray Hum Bhi To Sunen Wa Hussaina
Zainab Ko Bhi Akhir Na Raha Zabt Ka Yara
Sar Peet Ky Kehnay Lagi Phir Sani E Zehra
Aahdaa Nay Bharay Ghar Ko Sakina Tery Mara
Aray Sab Maray Gaye Wa Hussaina
Aray Pani Ky Liye Wa Hussaina
Baba Bhi Teray Wa Hussaina
Ab Koi Nahi Aye Ga Ab Sabr Ki Jaa Hai
Maqtal Mein Teray Pyaron Ka Sar Tan Say Juda Hai
Mardon Mein Faqat Sayed E Sajjad Bacha Hai
Khamosh Raho Wa Hussaina
Ab Sabr Karo Wa Hussaina
Bas Ashk Piyo Wa Hussaina
Kuch Dair Mein Jal Jayen Gay Khaimay Bhi Hamaray
Chin Jayen Gay Kaanon Say Gohar Bibi Tumharay
Kaanon Say Teray Khoon Ky Bahen Gay Abhi Dharay
Yeh Zulm Chalan Wa Hussaina
Ay Dukhtar E Mann Wa Hussaina
Bandhan Gay Rasan Wa Hussaina
Bharhkay Gi Abhi Aag Jalay Ga Tera Daman
Sar Naizon Pay Aur Khak Py Tarhpen Gay Sabhi Tann
Shabbir Ki Ghurbat Py Bahut Roye Ga Yeh …
Yeh Pani Yeh Sheh Wa Hussaina
Lay Jayen Kidhar Wa Hussaina
Kis Ko Hai Khabar Wa Hussaina
Sajjad Ky Pairon Mein Bhi Zanjeer Parhay Gi
Dadi Teri Roti Hui Hamraah Chalay Gi
Chadar Na Teray Aur Na Meray Sar Pay Rahay Gi
Bey Gor O Kafan Wa Hussaina
Daikhay Gi Bahan Wa Hussaina
Shabbir Ka Tan Wa Hussaina
Rehan Sakina Nay Suni Dard Ki Taqreer
Boli Keh Phuphi Yun Bhi Bigarh Jati Hai Taqdeer
Ab Kuch Na Kaho Chaltay Hain Seenay Py Meray Teer
Karti Thi Buka Wa Hussaina
Ay Ahl E Jafa Wa Hussaina
Kya Zulm Kiya Wa Hussaina
Sun Lo Yeh Sada Wa Hussain
Haye Laot Ao Chacha Wa Hussaina
Laot Ao Chacha Wa Hussaina
Laot Ao Chacha Wa Hussaina