Reciter: Mir Hasan Mir

Haye Qasim Haye Qasim Haye Qasim

Pamal Lasha Dekh Ky Kehti Hain Bibian
Zahra Ki Tarha Tooti Hain Qasim Ki Paslian

Pamal Lasha Dekh Ky Kehti Hai Bibian

Tukrhy Pukary Dasht Mein Labbaik Ya Hussain
Akhir Kaha Jo Mola Ny Qasim Ho Tum Kahan

Pamal Lasha Dekh Ky Kehti Hai Bibian

Pamal Jeety Ji Jo Hua Hai Usy Salam
Ro Kar Lahoo Yeh Kehty Hain Khud Sahib Az Zaman

Pamal Lasha Dekh Ky Kehti Hai Bibian

Aa Jao Mery Bhai Talak Boly Yeh Hasan
Qasim Na Lo Hussain Ki Ghurbat Ka Imtehan

Pamal Lasha Dekh Ky Kehti Hai Bibian

Yeh Keh Ky Kuch Nishanon Ko Sheh Choomny Lagy
Abbas Dekho Ragrhi Hain Qasim Ny Aerhian

Pamal Lasha Dekh Ky Kehti Hai Bibian

Tukrhy Uthany Lash Ky Sarwar Ky Sath Sath
Zahra Gai Hain Dasht Mein Jany Kahan Kahan

Pamal Lasha Dekh Ky Kehti Hai Bibian

Pamal Ho Na Laash Chacha Ki Yeh Soch Kar
Lipta Hua Sumon Sy Hai Farmata Nojawan

Pamal Lasha Dekh Ky Kehti Hai Bibian

Madar Kary Gi Kis Tarha Deedar Akhri
Haye Sumon Ky Chand Sy Chehry Py Hain Nishan

Pamal Lasha Dekh Ky Kehti Hai Bibian

Lagta Hai Mujh Ko Mir Takallum Khayam Sy
Ab Bhi Sunai Deti Hain Farwa Ki Hichkian

Pamal Lasha Dekh Ky Kehti Hai Bibian

Join Khairilamal on WhatsApp

WhatsApp

Leave a Reply